معانا اليوم مجموعة اضافات لجوجل كروم لا غني عنهم بيسهلوا عليك حاجات كتير
اضافات بسيطة وحجمهم صغير بتنزلهم من جوجل ويب ستور وبيتيحوا لك خدمات كتير مفيدة..
1- اول اضافة عندي اسمها Care Your Eyes :
ودي بتسمحلك انك تحول اي موقع صفحته بيضاء مزعجة الى اللون الاسود حتى لو كان الفيسبوك..الهدف منها ان اللون الابيض في بعض المواقع بيكون عامل اضاءة عالية ممكن تزعج عينيك وبالتالي تقدر تغير اللون بتاع الموقع الى لون غامق مظلم يريح عينك وفي اي وقت تقدر ترجع اللون الطبيعي تاني..
ده اللينك بتاعها :
2-تاني اضافة هي Download FB Albums :
ودي بتسمحلك بضغطة واحدة انك تنزل عندك اي البوم صور على الفيسبوك بدون ما تقعد تفتح كل صورة وتحفظها بشكل ممل.
3- تالت اضافة هي الMarker:
ودي بتسمحلك انك تعلم او تحدد اي كلمات او جمل في اي صفحة باللون الأصفر المميز او بأي لون تاني زي الماركر اللي بنستعمله أثناء المذاكرة..بتسهل عليك قراءة المقالات وتحديد المهم فيها..
4-رابع اضافة هي الImage Downloader :
ودي بقا بتخليك تنزل أي صور على موقع دفعة واحدة وكمان بعض المواقع بتكون
صورها محمية وممنوع تنزلها فبالاضافة دي ضغطة واحدة بتقوم منزلها..
5- خامس اضافة وهي Full Page Screen Capture :
بضغطة واحدة بتقوم واخدة سكرين شوت لكل الصفحة ” مهما كان طولها “..
السكرين شوت العادية بتاخد صورة الصفحة المعروضة فقط, لذلك لو صفحة او بوست طويل قوي عالفيس مثلا او مقالة طويلة مش هتقدر تحفظها كسكرين شوت الا على مراحل عشان حجم الشاشة..
لذلك الاضافة دي بتاخد الصفحة كلها او البوست كله بالكاااااامل :
6-سادس اضافة هي Save as PDF :
ودي بتسمحلك تحفظ وتخزن الصفحة اللي انت فاتحها ككتاب pdf يعني مثلا لو مقالة طويلة ممكن تخزن صفحتها عندك على هيئة كتاب صغير تلف فيه براحتك في اي وقت بدل ما تحفظ الصفحة نفسها بشكل ممل.
7- سابع اضافة هي طبعا الgoogle translate :
ودي بضغطة واحدة تفتحلك ترجمة جوجل او تترجملك صفحة بأكملها من الانجليزي للعربي لكن في بعض الاحيان بتكون ترجمة مش دقيقة يعني ركز برضه..
