السلام عليكم ورحمه الله
اليوم ان شاء الله هنتكلم شوية عن الببلك ايبي والبرايفت ايبي ( Public ip VS Private ip ) والفرق الي بينهم.
بس قبله لازم تعرف ان عشان جهاز يتصل بالانترنت لازم يكون له ببلك ايبي (Public ip ) خاص بيه حتى يكون بمثابة عنوانه الخاص .
ماهو الببلك ايبي – Public ip :
بيكون عبارة عن رقم معين (unique) وحيد او فريد من نوعه مش هيتكرر ابدا مع اي مستخدم علي شبكة الإنترنت ويعتبر عنوانك الخاص بيك.
مثال:
نفلرض أن الايبي الببلك الخاص بك هو 172.55.10.3 هذا الايبي هيكون خاص بيك انت وحدك ولن يتشابه او يتكرر بالعالم كله وراح يعتبر عنوانك ده اللي عن طريقه راح تقدر تتصفح الانترنت وترسل وتستلم البيانات وطبعا
هذا الايبي لازم تشتريه بفلوس من الشركات المجهزة لخدمة الانترنت (ISP) في حالة لو أردت أن الايبي الخاص بيك يكون ثابت دايما بيكون اسمه ساعتها Static public ip أو لو هيتغير مع كل ريستارت للراوتر هيكون اسمه ساعتها Dynamic static ip وتقدر تعرف الفرق بينهم من هنا .
ماهو البرايفت ايبي – Private ip:
هنقول عليه رقم بس هذا الرقم راح يكون لوكل أو محلي – (local) داخلي يعني هذا الرقم بيتم توزيعه بواسطة الراوتر الموجود عندك بالمنزل .
مثال:
و انت بالبيت وداخل على الانترنت وجهازك الايبي الخاص بيه مثلا : 192.168.1.5 هذا الايبي انت حصلت عليه من الراوتر فقط الموجود في البيت عندك .
يعني الراوتر هوه الي موزع الايبيات هو المسيطر داخل البيت فقط او داخل الشركة والايبيهات دي مش ثابته بتتغير كل فترة وده بيعتمد علي ال lease time المحدد داخل الرواتر واللي هو مدة إحتفاظ الراوتر بالايبي.
طب إزاي كل الايبيهات الداخلية أو البرايفت بتطلع إنترنت وهي واخده ايبي مش فريد او مكرر مع راوتر تاني بيوزع نفس الايبيهات الداخلية؟
هنا يظهر دور تكنولوجيا أو تقنية النات – NAT
شركات الانترنت العالمية المتحكمة بالببلك ايبي مثال ايانا (IANA) واللي هي مسؤولة عن الايبيهات وتقسيماتها وتوزيعها شافت انه الايبيهات من نوع ipv4 public لو كل جهاز هيوصل للإنترنت بأيبي فريد أو ببلك ايبي الايبيهات مش هتكفي طب أيه الحل؟ الحل زي ما قولنا في ال NAT.
ماهو النات – NAT وماهي فائدتة؟
ظهر بروتوكول النات (NAT) اللي وظيفته أنه يحول البرايفت ايبي الي ببلك ايبي تقدر من خلاله توصل للإنترنت Private ip =====> Public ip .
وده معناه إن كل الأجهزة تحت الراوتر اللي في مكتبك أو شركتك أو في بيتك بتطلع علي الإنترنت ب ايبي واحد وبتظهر ع النت كانها جهاز واحد.
دلوقتي ظهر بروتوكول IPV6 وده بيدي رقم مهول جدا من الايبيهات عددها 2128 وده يكفي كل الأجهزة علي وجه الأرض وأجهزة إنترنت الأشياء إن يبقي لكل جهاز ايبي ببلك خاص بيه .
وإن شاء الله هنشرح IPV6 في موضوع منفصل فتابعونا…..
