البوست ده هتفهم منه سريعا اذا كان التكنولوجيا المستخدمه في الموبايل وأبراج الموبايل مضره أو لا . وهل موبايلك شغال كويس ولا بياذيك و ايه العوامل اللي علي أساسها بنحدد مستوى ضرر شبكه الموبايل واخيرا ايه افضل نوع موبايل في العالم ليه اقل ضرر
بسم الله اول حاجه هل شبكه الموبايل مضره .. ايوه
هل الموضوع كبير لدرجه انه يخوف .. لا
ايه نوع الضرر اللي ممكن تسببه شبكه الموبايل .. الاورام
هل في حالات اتسجلت جالها سرطان بسبب شبكه الموبايل .. لا
هل في فرق بين الموبايلات وبعضها .. ايوه
ايه العوامل اللي بتحدد مدي تأثير أو ضرر الموبايل ؟
اولا: التردد – Frequency:
التردد اللي بيبعت بيها الموبايل والشبكه frequency وده بتكون كالتالي:
2G 900 MHz , 1800 MHz
3G 900 MHz , 2.1 GHz
4G 700 MHz , 2600 MHz , 3500 MHz
وده كل مايزيد كل مايكون التأثير اعلي بس الحيز الموثر ( التغطيه ) اقل
ثانيا: المسافه
المسافه بيني وبين الموبايل والشبكه علشان كده بتقول متخليش دايما الموبايل جنبك عالاقل لما تنام وطبعا بالنسبة للشبكه التأثير اعلي علي الناس اللي ساكنين في عماير فيها شبكات متركبه.
ثالثا: المدة الزمنية
وهو الوقت اللي بتتعرض ليه يومياً للشبكه علشان كده بنقول متستخدمش الموبايل الا عند الحاجة وطبعا الناس اللي بتفضل اونلاين اكتر من ٤ و ٥ ساعات يوميا ده غلط واللي بيتكلم في الموبايل كتير حاول تستخدم headphones
رابعا: الباور
مقدار الباور اللي بيبعت بيه الشبكه وده مهم جدا وبيتقاس بالوات أو dbm وكل مايزيد يكون التأثير اعلي
التأثير في الحاجات اللي قلتها من شويه بيكون أعلي علي الاطفال والحوامل.
تأثير جهاز الموبايل علي صحة الإنسان:
نيجي بقا للموبايل نفسه .. هقولك معلومه مهمه .. لجنه الاتصالات الفيدرالية بعد البحث وجدوا أن جسم الانسان بيمتص كميه من الاشعه الكهرومغناطيسية بتاعه الشبكه electromagnetic wave
وبعد أبحاث حددوا اقصى قيمه واللي مينفعش الإنسان يتعرض لاعلي منها وسموا القيمه دي #SAR معناها specific absorbtion rate ودي بتكون
1.6 Watt / kg
يعني ١,٦ وات لكل كيلوجرام من جسم الانسان
كل موبايل بيتم انتاجه بيكون ليه قيمه SAR والمفروض انها متزيدش عن القيمه اللي حددتها Federal communication commissioning
افضل موبايل علي مستوي العالم علي صحة الإنسان :
موبايل اسمه Verykool vortex RS90
وده موبايل مش معروف طبعا بيتصنع في فلوريدا Miami وقيمه ال SAR بتاعته ممتازه جدا في حدود 0.18 Watt / kg
طبعا محدش هيشتريه علشان مش معروف .. اللي بعده سامسونج جالكسي نوت وقيمه فيه 0.16 w/kg
واسوء موبايل من ناحيه قيمه ال SAR:
هو شاومي – Xiaomi لانه بيوصل الي 1.75 Watt / kg ودي اساسا اعلي من المسموح بيه
لما عملوا أبحاث علي فران تجارب لمده سنتين كانوا بيعرضوا الفران دي علي الاشعه ١٠ دقائق ثم يفصلوهم ١٠. دقائق وهكذا لقوا أن التأثير اعلي ونسبه الاصابه بالأورام اعلي في الذكور عن الإناث
بقلم مهندس / محمد سعيد
