أصبحت الـ Cloud Computing الآن هى التكنولوجيا التى لا غِنى للجميع عنها وأصبحت واحده من أهم التكنولجي المُعاصرة والكل بيتجه ليها سواء على مستوى الشركات أو على مستوى الأفراد .
فهنتكلم النهاردة إن شاء الله عن الـ Cloud models
أو الـ Cloud Types وهما 4 models
1-Public Cloud
الـ Public Cloud
بيكون فيها الـ Cloud Infrastructure
متاحة للإستخدام المفتوح لكل الناس , ممكن أى حد يستخدم الـ Public Cloud وده لأنها إما بتكون مجانية فى أغلب الأوقات أو بمقابل مادى رخيص جداً جداً
الـ Public Cloud
بتكون مِلك لشركة أو أكاديمية تعليمية أو مؤسسة حكومية أو ماشابه
والـ Infrastructure الخاصة بالـ Public Cloud
بتكون موجودة فى الـ Data Center
الخاصة بالـ Cloud Provider يعنى المؤسسة اللى بتقدم خدمة الـ Public Cloud
مش بتشترى Resources وتبنى Data Center عندها فى الشركة , المؤسسة دى بتتعاقد مع Cloud Provider ويكون هو المسئول عنها -مسئولية مشتركة بين المؤسسة والـ Provider- وده بيكون بمقابل مادى .
مميزات الـ Public Cloud إنها مجانية أو ثمنها بسيط جداً
وعيوبها إن فى مشاكل فى السيكيورتى ممكن تقابل المستخدمين ومُعرضة لدرجة كبيرة من الإختراق وكمان الـ Network Availability غير مضمونة طوال الوقت
وده طبعاً لأن المقابل أو المكسب المادى منها لا يكاد يُذكر ( للمؤسسة ) .
2-Private Cloud
الـ Private Cloud
بيكون فيها الـ Cloud Infrastructure مُقتصرة ومُخصصة لمؤسسة وحيدة فقط لا غير .
مستخدمو الـ Private Cloud بيتمتعوا بدرجة عالية جداً جداً من الخصوصية والأمان
كمان مجموعة المهندسين المُختصين للعمل فيها من قِبَل المؤسسة بيكون ليهم تحكم كامل على كل جزء و Resource منها .
_الـ Private Cloud
إما تكون موجودة داخل الشركة أو المؤسسة, يعنى الشركة بتشترى الـ Resources بنفسها وبتصممها بنفسها وبتشرف عليها بنفسها وفى الحالة بيكون اسمها
On-primes or Internal Cloud
_أو تكون المؤسسة مأجرة الـ Resources عند Cloud Provider
وهنا الـ Cloud Provider بيكون مسئول عن توفير أقصى درجات الحماية والأمان والإتاحة للـ Resources دى وفى الحالة دى بيكون اسمها Externally-hosted
3-Community Cloud
الـ Community Cloud شبيهة بالـ Private Cloud بدرجة كبيرة بيكون فيها الـ Cloud Infrastructure
مُقتصرة ومُخصصة لمجموعة مؤسسات ليهم نفس الهدف أو المتطلبات .. على سبيل المثال المصالح الحكومية . 🤝
_الـ Community Cloud
ممكن تكون أيضا On-primes or Externally hosted
لكن فى حالة الـ On-primes
بتكون موجودة فى مؤسسة من ضمن مجموعة المؤسسات والباقى بيتواصل بيها من خلال VPN عشان يقدر يوصل للـ Resources
وفى حالة الـ Externally hosted
بتكون زى لـ Private Cloud فى Cloud Provider والمؤسسات دى بتأجر منه .
4-Hybrid Cloud
دى بتكون عبارة عن تواجد نوعين أو أكتر من الـ Cloud Models
أما (Public & Private or Public & Community or Private & Community)
يعنى المؤسسة هيكون ليها نوعين منهم على الأقل أو ممكن يكون ليها الـ 3 أنواع مُجتمعة.
وقد يسأل سائل ما الفائدة من ذلك ؟
الفائدة إن ممكن المؤسسة أو الشركة تكون بتقدم خدمة زى الـ Public Cloud
للناس بصفة عامة .. وفى نفس الوقت يكون لموظفيها Private Cloud خاصة بشغلها الداخلى .
وبكده تكون المؤسسة حصلت على فوائد النوعين فى وقت واحد
بقلم مهندس/وليد فتحي