في أوقات كتير ما بنصدق نلاقي شبكة واي فاي مفتوحه بدون كلمه سر وبنقوم بالاتصال بيها وبنعمل تحديث للتطبيقات او بنفتح مواقع تواصل اجتماعي (فيس – وتويتر – وواتس اب …. وغيرها )
بس مفكرتش لبعض الوقت اي هي الاخطار اللي ممكن يستغلها اي شخص في انتهاك خصوصياتك او يحصل علي معلومات خاصه عنك سواء باسورادات اكونتك او كلمه السر الخاصه بيك وغيرها من المخاطر اللي ممكن تحصل .
في الموضوع ده هنحاول نستعرض مع بعض ايه اللي متعملوش اثناء اتصالك بشبكو واي فاي مفتوحه مش موثوق فيها عشان ممكن يخلي بياناتك عرضه للسرقه .
الحاجات اللي متعملهاش أبدا وإنت متصل بشبكة واي فاي مفتوحة مش موثوق فيها:
1- متتصلش باي شبكه تشك فيها .
2-متستخدمش اي موقع بيطلب بيانات حساسه اثناء اتصالك باي شبكه واي فاي غير معروفه زي ارقام الكريدت كارد والحسابات البنكيه ومواقع الشراء عن طريق الانترنت .
3-متسخدمش اي مواقع مش موثوق فيها واللي مش معروفه بالنسبه ليك او ملهاش نظام تشفير وحمايه قوي .
4-متسبش تليفونك او جهازك متصل بالشبكة علي طول اول لما تخلص استخدامك اعمل قطع اتصال – disconnect
