كلها ٤ شهور و Apple تعلن عن الابديت الجديد iOS 14 في مؤتمر المطورين في شهر ٦ الجاي ونزوله للمستخدمين في شهر ٩ زي ماهو معتاد من Apple .
تعالو نشوف ايه المميزات اللي ممكن نشوفها وايه الاجهزه اللي احتمال يدعمها وايه الاجهزه اللي هتقف عن الدعم :
و مما لا شك فيه ان iOS 13 اضاف بعض الخواص اللي مستخدمين الايفون كانو محتاجنيها زي :
– حرية تحميل الملفات من سفاري
– اضافة تعديلات جديده على الصور والفيديوهات
– وطبعا خاصية Dark mode 🌙
بس طبعا لسه في اكثر من ميزه مطلوبه جدا من مستخدمين الايفون ومتوقع نشوفها في iOS14 تعالو نشوف زي ايه :
– قفل التطبيقات : 🔐
طبعا كلنا عندنا الصاحب اللي بيفتح الصور ويقلب فيها كأنها البوم الفرح بتاعه 😂
والميزه دي هتنفع كمان في حالة سرقة او ضياع الفون الملفات بتاعتك متبقاش متاحه لأي حد
– تقسيم الشاشه : 📱
من بعد iOS13 والميزه دي بقت متوفره في ال iPad ودلوقتي الاغلب مستنينها في الايفون في التحديث الجاي ان شاء الله
– توفر اكثر من نسخه من التطبيقات :📱
من اكثر الاستفسارات اللي بتجيلنا في الجروب هي البرامج المكرره زي نسختين مسنجر وواتس والخ …
– اخفاء التطبيقات والملفات : 📱
برضو زي الميزه اللي فوق هي ميزه هتبقى لزيادة الامان عشان نضمن ان اسرارنا متبقاش متاحه في ايد اي حد
ونقطة اخيره هي مش ميزه اكثر من ماهي اصلاح وهي استقرار الابديت بدل ما كل سنه الابديت بينزل بتتوالى وراه التحديثات سواء للإستقرار وتصليح المشاكل او الإضافات
وفي تسريب ظهر حالا ان iOS14 هيدعم نفس الاجهزه اللي دعمها iOS 13 اللي هم :
iPhone 6s &6s +
iPhone 7 & 7+
iPhone 8 & 8+
iPhone SE
iPhone X
iPhone XR
iPhone XS & XS max
iPhone 11
iPhone 11 pro & pro max
ولو الكلام ده صح انا اتوقع توقع شخصي يعني ان الابديت ده الميزات الجديده فيه مش هتبقى كتير زي iOS13 وانه هيبقى ابديت اصلاح مشاكل اكتر.
منقول عن صفحة Ios World
