السلام عليكم ورحمة الله وبركاته
السادة متابعي موقع كونكت لتكنولوجيا المعلومات والانترنت النهاردة بنقدم ليكم طريقة تثبيت وتنزيل ويندوز 10 برو – Windows 10 Pro او ويندوز 10 انتربرايز – windows 10 enterprise علي الأجهزه اللي بتيجي من الشركة المصنعه مدمج فيها ويندوز هوم – Windows Home Edition .
مقدمة :
كتير من الأجهزة الجديدة اللي بتنزل الفترة دي من شركات زي لينوفو – Lenovo و ديل – Dell بتيجي بإصدار نسخة ويندوز هوم – Windows Home Edition برخصة ويندوز مدمجة داخل البايوس – Bios embedded windows key وبتبقي إتفاقيات بين الشركات المصنعة وشركة مايكروسوفت .
ودي حاجة كويسه جدا ان يكون عندك ويندوز أصلي تقدر تتلقي من خلالة التحديثات اللي بتقدمها مايكروسوفت أول باول , لو هتستخدم الجهاز في بيتك او في مكتب صغير فانت معندكش اي مشكلة وويندوز 10 هوم هيأدي معاك بشكل كويس وهيديك كل اللي انت محتاجة .
طيب لو انت مسئول نظم معلومات في شركة والجهاز ده هيشتغل في بيئة شركة او مكتب كبير؟! … هنا بقي المشكلة !!!
لو عندك ويندوز سيرفر – Windows Server وبستتخدم أكتف ديركتوري-Active Directory فانت أكيد عارف ان ويندوز هوم – Windows Home ميقدرش يعمل جوين دومين – Join Domain لأنه مصمم للعمل في بيئة الورك جروب – Work group ولازم ليك إصدار ويندوز برو او ويندوز 10 انتربرايز – windows 10 enterprise عشان تقدر تعمل جوين دومين .
طيب إيه الحل لو عاوز انزل ويندوز 10 برو علي الأجهزة دي ؟!
تثبيت ويندوز 10 برو علي الأجهزة المدمج بها نسخة هوم
الخطوة الاولي:
قم بتجهيز نسخة الويندوز علي الفلاشة اللي هتستخدمها واتاكد انها بتعمل بوت – Boot وشغالة بشكل سليم
الخطوة التانية:
قم بتحميل الملف ei.cfg من الرابط اللي تحت وممكن تفتح الملف باستخدام النوت باد هتلاقيه بالشكل ده
تحميل ملف ei.cfg
الخطوة التالتة :
بعد تحميل الملف فك الضغط عنه واعمله كوبي وأنقله جوه فولدر Sources الموجود جوه ال usb .
الخطوة الرابعة:
بعد نسخ الملف للمسار المطلوب في الخطوه التالتة اعمل ريستارت للجهاز واعمل بوت بشكل عادي واستمر في الخطوات وهتلاقي الرسالة زي الصوره اللي تحت عشان تختار نظام التشغيل اللي انت عاوزة وبكدة نقدر ننزل ويندوز 10 برو علي الجهاز المطلوب ونكون حلينا المشكلة
وبكدة نبقي نرلنا ويندوز 10 برو بدلا من ويندوز هوم ونمتني نكون أفادنا حضراتكم وقدمنا شرح واضح وحل للمشكلة دي .