بعد إنقطاع التيار عن واحدة من أكبر الداتا سنتر الحاصة بأمازون هل الكلاود حل أمن بنسبة 100 %؟
يوم السبت الموافق 31 أغسطس 2019 حصل Down Time فى واحدة من أكبر مراكز البيانات – Data Centers على مستوى العالم الخاصة بأمازون – Amazon AWS والموجودة فى شمال شرق الولايات المتحدة واللى آمازون بتطلق عليها “US – EAST -1 “
ال Down Time كان بسبب إنقطاع التيار الكهربائي عن الداتا سنتر – Data Center كلها .
الإنقطاع تم فى تمام الساعة 4:33 صباحاً وبالتالى تم تدخل من مولدات الكهرباء الإحتياطية – Backup Generators مع توقع بإمكانية عودة التيار الكهربائي و حل المشكلة فى وقت قصير.
لكن توقفت المولدات عن العمل فى تمام الساعة 6:00 صباحاً (بعد الإنقطاع بساعة ونصف) وهنا حصل الـ Down Time واللى استمر للساعة 7:45 صباحاً بمدة إنقطاع وصلت ل (105 دقيقة)
الوقت ده كان كفيل إنه يتسبب فى مشاكل كبيرة جداً جداً خاصة للشركات اللى شغلها 24/7 ولها إستضافة – Hosting فى مراكز البيانات اللي تعطلت.
المشكلة أدت إلي توقف كل السيرفرات الموجودة فى الـ Data Center وكمان منع أى محاولة وصول للبيانات الموجوده فى الداتا سنتر.
فقط نجي من هذه المشكلة بعض الشركات اللى كانت تمتلك Backup فى Data Center تانية أو ليدها نسخة إحتياطية علي أجهزتها الخاصة – Backup on Prime .
أيضاً أحد أهم الأضرار إن بعد عودة التيار الكهربائي , بعض السيرفرات لم تعود للوضع الطبيعى وقام فريق كبير من مهندسى شركة آمازون بالتدخل لحل المشكلة بأمر سريع من إدارة الشركة وآمازون أعلنت إن الفريق يعمل على حل المشكلة وإنهم هيبلغوا الشركات فور عودة الـ Environment .
لكن للأسف آمازون أعلنت يوم الثلاثاء الماضى 3 سبتمبر 2019 إن فريق المهندسين بذل قصارى جهده لعودة البيانات المفقودة لكن لم يستطيعوا .
جدير بالذكر إن آمازون بتقول إنها بتقدم خدماتها بمعدل سنوى للـ Availability
99.999%
يعنى الـ
AFR (Annual Failure Rate) = 0.1% – 0.2%
وده يعتبر شئ لا يذكر
