بسم الله الرحمن الرحيم
متابعينا الكرام معانا اليوم طريقة جميلة وجديدة هتسهل وقت كبير جدا علي المحاسبين والموظفين اللي بيدخلوا بيانات بشكل كبير ومستمر أو حتي الاشخاص العاديين اللي ليهم تعامل مع الإكسل بشكل كبير .
كتير مننا ممكن يجيله ورقه مطبوعه فيها أرقام وبيانات كتير وجدوال ولازم يدخلها ع الاكسل تاني وده بياخر وقت ومجهود كبير.
فهل فكرت في يوم إنك ممكن تعمل سكان لفاتورة ورقية مطبوعة وتضيف البيانات اللي فيها مباشرة إلي مايكروسوفت إكسل؟
مايكروسوفت دلوقتي وفرت ده من خلال ميزة إدراج البيانات والجداول من صورة و المتوفرة لمستخدمي الهواتف الذكية، وذلك من خلال تطبيق إكسل – Excel لكل من هواتف آيفون وأندرويد ولأجهزة التابلت العاملة بنظام أندرويد عن طريق تكنولوجيا الذكاء الذكاء الاصطناعي – Artificial intelligence
مع الطريقة دي انت تقدر تحول الجداول والبيانات اللي في ورقة مطبوعة مباشرة لداتا جاهزة في الاكسل
ونيجي دلوقتي لطريقة تحويل الجداول والبيانات اللي في ورقة مطبوعة مباشرة لداتا جاهزة في الاكسل
الخطوة الأولي :
حمل تطبيق مايكروسوفت إكسيل وثبته علي تليفونك من خلال جوجل بلاي إذا كنت من مستخدمي أندرويد أو من الاب ستور إذا كنت من مستخدمي أبل
الخطوة التانية:
إفتح تطبيق إكسل علي تليفونك وإضغط على أيقونة إدراج البيانات من صورة زي الصورة دي
الخطوة التالتة:
هتظهر واجهة للتصوير زي تطبيق الكاميرا، ما عليك إلا تحديد البيانات في الفاتورة أو أي جدول في ورقة عاوز تحولها لإكسل ، وبعدين تضيق مساحة التقاط البيانات إضغط على زرار التقاط.
يعالج تطبيق الإكسل- Excel الصورة اعتمادا على تطبيقات الذكاء الصناعي AI، وبعدين بيحول البيانات في الصورة إلى جدول، مع منح المستخدم فرصة لتصحيح البيانات في حال وجود أي مشكلات في أثناء عملية تحويل الصورة إلى بيانات.
الخطوة الرابعة:
إضغط على إدراج أو Insert بعد الانتهاء من التعديلات، وهينهي التطبيق عملية التحويل وهيعرض البيانات في جدول زي الصورة دي.
وبتدعم ميزة إدراج البيانات من أي صورة في إكسل العديد من اللغات بما فيها الإنجليزية، الألمانية والكرواتية والبوسنية والإسبانية والإيطالية، ولكنها لا تدعم اللغة العربية حتى الآن للأسف.
