خاصية Find My iPhone رجعت عربيه مسروقه لصاحبتها 😃
ايوه زي ما بقولك كده
قالت فيكتوريا اوكونور البالغه من العمر ١٩ سنه ان عربيتها اتسرقت يوم الاتنين بعد ما سابتها دايره ودخلت بسرعه تشترى حاجة 🤦🏻♀️
العربيه كان جواها كل ما تملك لان شقتها اتحرقت في سبتمبر وتعتبر كانت عايشه في العربيه وحاطه فيها حاجتها المهمه.. اللي من ضمنها ايه؟
الايفون 😁📱 اول حاجة عملتها قبل ما تبلغ الشرطه انها فتحت Find My iPhone من موبايل واحد صاحبها وابتدت تتبع العربيه من خلال الايفون اللي فيها بس طبعا الحراميه كانوا أسرع منها وقدروا يقفلوا الفون 🙆🏻♀️
بس يوم الثلاثاء الفون اتفتح ولقط نت كمان والشرطه قدرت تحدد مكان العربيه ووصلوا الحمد لله وقبضوا علي الحراميه و رجعت العربيه 🥳🎉
فيكتوريا بقي لو كانت محدثه الايفون لآخر تحديث iOS 13 كانت قدرت تلاقي العربيه بشكل أسرع حتى لو الفون مش متوصل بالنت لان دي ميزه جديده ضافتها ابل في Find My iPhone هتخليك تلاقي جهازك حتى من غير اتصال بالإنترنت 👌
