في إطار سلسة الدروس اللي بتشرح ال SCCM بالعربي بنقدم ليكم اليوم الجزء الثاني من الشرح واللي بيتكلم عن مجموعة خطوات مهمة لازم نعملها قبل البدء في تنصيب ال sccm وتقدر تتابع الجزء الأول من هنا:
https://connect4techs.com/category/networking/microsoft/sccm
زي ما اتكلمنا البوست اللي فات بعد ما تنزل الـSCCM وقبل ما تبدء شغل في steps مهمة لازم تتعمل:
1- Configure Manage point
2-Discovery
3-Create Boundary and Boundaries Group
4- Configure Auto Site Assignment
5- Configure Publishing in AD
6 – Extend Schema
7- Configure Client Approval
8- Deploy Client
اتكلمنا عن اول نقطه الخاصة بالكونفيجر للـ Manage point- 2 – تاني حاجه هنتكلم عنها الـ Discovery
يعني تبدء تعمل استطلاع او Discover للـ resources اللي عندك او اللي حواليك وبعدها هنحدد الاطار اللي هنشتغل عليه اللي هوا الـ Boundaries.
ايه هي الطريقة اللي هنستخدمها عشان نعمل Discovery ويبدء يظهرلي الـ clients عشان نقوم بعملية الـ Discovery عنده 6 طرق هما كالتالي وزي ما انتوا شايفين ع الكونسول الخاص بال SCCM عندي :
– وهنبدء بالـ Active Directory System Discovery
يعني هستعين بالـ AD عشان اكتشف كل اجهزة الكمبيوتر اللي عندي و لما اعمل recovery ل resource معين ببدا اعمل create لـ DDR – Data discovery record يعني شوية معلومات عن الـ resource بخزنهم في ال DDR FILE .
الـ DDR ده بيروح الداتا بيز وفيفضل هناك لمدة اقصاها 90 يوم By default
يعني كل DDR ليه Time out في الـداتا بيز 90 يوم بعدهم بيحصله Delete .
لو الريسورس ده وليكن علي سبيل المثال جهاز كمبيوتر بقاله فتره مثلا مش جوين للدومين وفضل على الحال ده يبقي بعد 90 يوم هيحصله delete من ال DDR على الـ SCCM DATABASE– وبالتالي لازم اعملschedule عشان اعمل Renew للـ DDR الخاصة بالـ Resources داخل الدتا بيز
