معانا اليوم شرح لبروتوكول مهم جدا و هو الـ VTP وهنتعرف اليوم علي ماهو ال VTP و ماهي ال VTP modes ومفهوم الـ Revision number والـ VTP messages وانواعها؟
ماهو بروتوكول ال VTP ؟
الـ VTP هو بروتوكول يخص شركه سيسكو (cisco proprietary) ، و اهمية البروتوكول ده انه يعمل Synchronize للـ Vlan.dat بحيث تبقى كل الـ vlans موجوده على كل الـ Switches عندك (وده Recommended ع فكره وان يكون عندك السويتش ف المكان مش عليه كل الـ vlans ممكن يسبب مشاكل .
أنواع ال VTP Modes
الـ VTP modes هما تلاته
اول مود الـ Server
وده ابن حلال ممكن تعمل اى vlan جديده على السويتش وهو سيرفر وكمان بيبعت اى vlan updates لو عنده الـ Revision Number اعلى وكمان لما تجيله vlan updates يستقبلها عادى،
تانى مود وهو الـ Client
وده اولا مش بيوافق انك تعمل عليه اى vlans بطريقه manual عاديه بالـ Commands ولكن هو يقدر يستقبل vlan updates من الاسوتش السيرفر ويقدر كمان يبعت updates (وده مش منطقى خالص بس نقول ايه بقى هو بيبعت فعلا وبشرط ان يبقى عنده الـ Revision Number اعلى يعني من الاخر كده الكلمه الاولى والاخيره هى للـRevision Number سواء كان كلينت او سيرفر) وفى معلومه كمان وهى ان الـكلينت بيخزن الـ vlan.dat فالـ Ram مش فالـ NVram زى الباقيين فاعمل حسابك ان بعد الريستارت لو الـ mode كلينت مش هتلاقى اى vlans وساعتها حد سيرفر هيبعتله الـ updates.
تالت مود وهو الـ Transparent
وده غلبان ف حاله ومن اسمه شفاف كل دوره انه يعدى اى vlan update تجيله لكن امين مش بيبص عليها ولا بيستفاد منها انت لو عايز تحط عليه vlans تعملها بـ commands وهتبقى عليه هوا بس مش هيعملها Advertisement .
ماهو ال Revision number ؟
– الـ Revision number ده رقم بيبقى صفر لما تشترى السوتش جديد وبيبدأ يزيد بقيمة 1 كل اما تعمل اى command تخص الـ vlans سواء اذا كنت هتمسح او تعدل او تضيف vlan وزى ما قولنا ان الكلمه الاولى والاخيره له ف موضوع الـ Synchronise للـ vlan.dat ف كن حذر جدا وانت بتتعامل معاه ودايما خلى السوتش اللى عايزه هوا اللى يبعت ال vlan.dat يبقى هوا صاحب اعلى Revision number وكن حذر بردو وانت بتنقل اسوتش من شركه لشركه علشان لو الاسوتش اللى بتنقله عنده Revision number عن اللى موجوده هيعملهم Synchronise وكل الـ vlans بتاعتك هتروح ولو عندك اسوتش عايز تخليه Revision number بتاعه بيساوى صفر فى تلات طرق انك تمسح الكونفجريشن كلها (الـ Config.text) ومعاها الـ vlan.dat وبعدين ترستر او انك تخليه Transparent وبعدين ترجعه تانى للمود اللى كان عليه او انك تغير الـ VTP domain بتاعه لاى اسم غريب وترجعه تانى.
أنواع ال VTP messages
– الـ VTP messages ف الحقيقه انا كنت عمال اقول فالاول السوتشات بيبعتو لبعض updates و messages لكن الموضوع بيبقى منظم مش اى حد يبعت اى وقت
– اول مسج وهى VTP Summary advertisement
ودى بتتبعت لكل الاسوتشات كل خمس دقايق والغرض منها يتأكد ان كل الاسوتشات مش out of date وان كلهم عندهم last updates (المسج دى بيتأكد بس مش بيبعت اى vlans كل خمس دقايق وده منطقى مش كل شويه يبعت vlan.dat هو بيبعت معلومات كل خمس دقايق وحجمها بسيط زى Revision number و vtp domain و vtp versions)
– تانى مسج وهى بتبقى VTP request
ردأ على Summary advertisement وبتتبعت من اى اسوتش out of date يطلب بيها الـ last update of vlan.dat
– تالت مسج وهى الـ VTP Subset
وده بتبقى ردا على VTP request بحيث يبعت الـ last updates للى عمل Request وطلبها .
نقلا عن مهندس / Omar M. Abdelhamed
