شرح طرق تثبيت البرامج في لينكس وأنواعها|الجزء الأول

بسم الله الرحمن الرحيم

زهقت وانت شغال علي لينكس من كثرة مشاكل تنصيب البرامج او الادوات طيب اليكم شرح شبه مفصل او شبه كامل عن تنصيب البرامج فى لينكس عن طريق سطر الأوامر – command line

هستكمل رحلتنا فى اللينكس وهي تثبيت البرامج فى اللينكس ومعرفة صيغ البرامج و انواعها و ازاي نثبتها او ننصبها ع اللينكس .

أول شئ انواع او صيغ البرامج في لينكس :

• source code

• binary code

• self installing binaries

• package file

النوع الأول source code

source code and binary file متشابهين بس الفرق ان الكود المصدري – (source code) هو عبارة عن كود مكتوب بلغة برمجة يمكنك الحصول عليه والتعديل عليه وبيبقي معاه ملفات اخري وعشان تنصبه لازم تعمل له تحويل لـ binary file عشان يبقي ملف تنقيذي وهو بيبقي مضغوط عشان ملفاته متتعرضش للضياع وبيكون مضغوط ببرامج ضغط زي اداة tar لفك و ضغط الملفات زي الارشيف بظبط

لو لاقيت الامتداد tar.gz

يبقي تفك الملف بـ الامر:

tar -zxvf + file name

فى ادوات تانية للضغط و لفك الضغط كل امر حسب كل اداة ممكن تبحث ع النت وتشوف
موقع بيعرفك اوامر الضفط والفك حسب امتداد الارشيف

فكينا الضغط خلاص هيظهر لك ملفات كتير كدا طبعا انت مش عارف فين اللي بيتثبت لان الملفات تقريبا غير تنفيذيا هتضطر تحولها لبينري كود عشان تبقي ملفات تنفيذية متقلقش الامر سهل

داخل مسار الملف اللي فكينا ضغطه هنكتب الاوامر دي :

‫‪/‬‬ ‫‪configure‬‬
make
‫‪sudo‬‬ ‫‪make‬‬ ‫‪install‬‬

كدا البرنامج اتثبت بنجاح الا اذا البرنامج دة لم يتطلب منك مكتبات – Libraries

ملحوظة :

لو واجهتك اي مشاكل في تنصيب نوع من أنواع الباكدج هتلاقي ملف اسمه README
افتحه ب أداة nano وتابع طريقة التنصيب.

ايه هي المكتبات – Libraries؟

المكتبات دي عبارة عن ملفات او نصوص برمجية بتؤدي مهمة معينة زيها زي ملفات dll فى الويندوز لو جيت تشغل مثلا لعبة تطلب منك ملف ديل بتحمله عشان اللعبة تشتغل
المكتبات دي موجودة فى مسارات متعددة زي :

‫‪/‬‬ ‫‪lib‬‬ ‫
‫‪/usr/lib‬‬
‫‪usr/local/lib‬‬ ‫‪
opt/lib/

الخلاصة الكود المصدري دة مكتوب بلغة برمجية يعني ممكن تعدل عليه عشان اثبت البرنامج لازم احوله لبينري كود والاوامر موجودة فوق زي ما وضحت والكود المصدري دة بيتكون من ملفات عديدة مضغوطة فى ملف واحد فك الضغط وثبت البرنامج .

لو البرنامج احتاج مكتبات حملها واحطها فى مسار من دول وركز فى اصدار المكتبة .

النوع الثاني binary file

وهو كود ثنائي يعني هو التحويل من لغة برمجية اصلا يعني هو متحول جاهز مينفعش تعدل عليه لانه ملف متحول جاهز الامتداد عشان تعرفه بيبقي مثلا packettracer.bin و دة ملف تنفيذي بس عشان يتنفذ لازم اديله صلاحيات التنفيذ من الامر

chmod +x file name or chmod +777 file name

دول امرين اعطاء تصريح التنفيذ بعد كدا تنفذه بالامر الاتي:

sudo /packettracer.bin

ملحوظة :

sudo تعني سوبر يوزر يعني انت الروت وطبعا الروت هو اللي يقدر يعطي الصلاحيات ويثبت البرامج ع النظام ودي ميزة من مميزات لينكس بس كل مرة هتحتاج تشغل البرنامج لازم تعمل كدا فى برامج بتتثبت بتعمل بينري كود فى امتداد معين حسب برمجته بتخليك تنفذه بامر واحد مجرد تكتب اسم البرنامج بس

بقلم مهندس / Mostafa Mohamed