إيه هو الواي فاي 6-Wifi 6؟
هو الجيل القادم من شبكات الواي فاي – Wi-Fi تحت إسم واي فاي 6 – Wi-Fi 6 ، والمعروف أيضًا باسم 802.11ax ، وهي أحدث خطوة في رحلة الابتكار في مجال التكنولوجيا اللاسلكية.
الواي فاي 6 بيعتمد على نقاط القوة في 802.11ac مع إضافة الكفاءة والمرونة وإمكانية التوسع التي تتيح للشبكات الجديدة والحالية زيادة السرعة .
إيه هي مميزات الواي فاي 6-Wifi 6؟
بيسمح الواي فاي 6 – Wi-Fi 6 للمؤسسات ومقدمي الخدمات بدعم التطبيقات الجديدة واللي هتحتاج سرعه نقل بيانات وإتصال عاليه علي الشبكة اللاسلكية (WLAN) وكمان هتساعد في تحسين إداء الشبكات اللاسلكية في مجال إنترنت الأشياء والمنازل الذكيه اللي فيهم بيتم ربط الأجهزة الإلكترونية بالإنترنت واللي بتحتاج سرعه إتصال عالية وثابتة .
كمان هتزيد عدد العملاء اللي ممكن يتصلوا بالواي فاي علي الاجهزة وهيدي سرعة تحميل عالية جدا للفيديوهات بجودة عالية زي 4k ,8K وكمان إستهلاكة للطاقة أقل.
إيه الفرق بين شبكة الواي فاي 6 و 802.11ax؟
مفيش فرق بينهم الاتنين واحد. بدأ ظهور مصطلح الواي فاي 6 – “Wi-Fi 6” للإشارة إلى معيار IEEE 802.11ax.
وإنه يشير إلى الجيل السادس من شبكات الواي فاي- Wi-Fi. وكان الغرض هو تبسيط المصطلح عشان أغراض التسويق. زي الجيل الثالث (3GPP) المستخدم في شبكات الجيل الخامس 5G).
توافق الواي فاي 6 مع الإصدارات والأجهزة السابقة
الواي فاي 6 هيبقي متوافق مع الإصدارات السابقة من الواي فاي زي :
واي فاي 4 – 802.11n
واي فاي 5 – 802.11ac
وده هيعمل علي تحسين أداء وتطوير البنية التحتية اللاسلكية الموجودة في الشركات والمؤسسات وكمان للأفراد.
ماهي سرعة نقل البيانات في واي فاي 6-WiFi 6؟
سرعة نقل البيانات في واي فاي 6 بتبلغ 1326 Mbps يعني جيجا و300 ميجا في الثانية الواحدة !! مقارنة ب 938 Mbps في واي فاي 5.
تردد واي فاي 6 – WiFi 6
الواي فاي 6 هيشتغل بترددات 2.4 جيجا هرتز و 5 جيجا هرتز االمعروفة واللي بتدعمهم معظم التليفونات والأجهزة الحديثة.
الإصدار السابق واي فاي 5 802.11ac ، بيتشغل بس على تردد 5 جيجا هرتز -لو جهاز الواي فاي بتاعك بيدعم الترددات 2.4 جيجا هرتز و 5 جيجا هرتز ، فإنه بيستخدم واي فاي 4 – (802.11n (WiFi 4 على تردد 2.4 جيجا هرتز و واي فاي 5 – (802.11ac ( (WiFi 5 على تردد 5 GHz.
أما الإصدار الجديد واي فاي 6 بيتشغل علي الترددين 2.4 جيجا هرتز و 5 جيجا هرتز .
موعد صدور أجهزة واي فاي 6
في شركات حاليا بدأت في إصدار منتجاتها من الواي فاي 6 في بعض الأماكن تحت التجربة لقياس مدي كفائتها ونزولها في السوق في أقرب وقت من عام 2019
