لإنشاء نظام أودو Odoo يجب أن تكون على خلفية بأساسيات المحاسبة اللازمة.
أساسيات المحاسبة
هنتعلم مع بعض محاسبه مش لازم تكون المحاسبة للمحاسبين لا طبعا ممكن تكون ليك کا صاحب عمل تقدر تعرف شغلك ماشي ازاي ولیك کا طالب تقدر تدير مصروفك صح وليكي كا أم وكا زوجه تقدري تديري امورك المالية بشكل صحيح يعني هنستفاد في الجزء القادم ان شاء الله في حياتنا الخاصه بشكل كبير ركزو معايا.
احنا علشان نشتغل في اي شئ سواء في العلوم او في التكنولوجيا او في الرياضيات او التصنيع او اي كان المجال لازم يكون عندك اساس وبعد كده بتمشي ورا الأساس ده وبتكمل عليه.
مثال المترو لازم علشان تتنقل من مكان الي مكان اخر باستخدام المترو لازم يكون فيه اساس واساس المترو هو:
- الخط الرئيسي للمترو.
- المحطات.
- عربه المترو.
- المواعيد الخاصه بالمترو
- التنقل بسهولة من خلال المترو الي اي مكان.
اذا لا يمكن التنقل بسهولة دون الاساس كذلك في مجال المحاسبة والبيانات المالية لا يمكن ادارة المحاسبه الخاصه بالشرکه او اي مؤسسه او حساب شخصي دون الأساس وهو المعايير الدولية لإعداد التقارير المالية يرمز له(ifrs) أختصارInternational Financial Reporting Standards.
لا تقلق الموضوع بسيط جدا المعايير دي هيا هتكون البيانات المالية الأساس الي هنمشي عليه وبسيطه جدااا زي ما هنشوف مع بعض وهنبتدي بمثال بسيط للمعلومات الي احنا هنعلمها والمثال ده عن المبيعات الأرباح = المبيعات – المصاريف .المبيعات هنطرح منها المصاريف علشان نطلع الأرباح.
طيب المصاريف دي ايه ! ممكن تكون:
- تكلفة شراء البضاعه.
- رواتب الموظفين
- مصاريف الايجار
- التسويق.
- العمولات
ده مثال علشان نطلع صافي الربح الموضوع بسيط لكن محتاج تركيز شويه صغيرين منك يلا نوضح التفاصيل علشان نفهم اكتر
هنشوف مع بعض القوائم المالية الموجوده داخل اي شركه لكن في البدايه خلينا نعرف يعني به القوائم المالية القوائم المالية هي تقارير تساهم بتوضيح الحالة المالية للمنشأة أثناء وقت ما، أو فترة محددة من الزمن وتشمل:
- قائمة الدخل (الأرباح والخسائر) Income statement.
- قائمة المركز المالي (الميزانية).
- قائمة التدفقات النقدية.
قائمة الدخل (الأرباح والخسائر) Income statement
يتم اظهارها بشكل ربع سنوي – نصف سنوي – سنويا
قائمة الدخل بتضغطي فتره معينه وبتوضح مسيرة الشركه في خلال هذه الفتره کم حجم المبيعات كم حجم المصروفات
واذا كانت المبيعات ناقص المصروفات = رقم موجب هيكون هناك صافي ربح
واذا كانت المبيعات ناقص المصروفات = رقم سالب هيكون صافي خساره
طبعا بيكون موضح التفاصيل الخاصه بالشرکه خلال تلك الفتره لمعرفة السبب وراء المكسب او الخساره
في المكسب يتم معرفة السبب للاستمرار في التعامل بنفس المبدأ الخاص بيه
في الخساره يتم معرفة السبب ومعالجته مره اخري .
مثال هل هناك منافس جديد هل التسويق والاعلانات اقل
يتم توضيح كافيه التفاصيل خلال تلك الفترة الزمنيه لكي يمكن تجنبها في المستقبل
قائمة الدخل هي الرقم الي بيظهر لينا في اخر القائمه کا صافي ربح او کا صافي خساره ليتم نقله الي قائمة المركز المالي (الميزانية).
- إذا كانت النتيجة صافي ربح ( الجانب الدائن أكبر من الجانب المدين ).
من ح/ أ. خ
الى ح/ رأس المال - إذا كانت النتيجة صافي خسارة ( الجانب المدين أكبر من الجانب الدائن ).
من ح/ رأس المال
إلى ح/ أ.خ
ح/ الأرباح والخسائر عن السنة المالية المنتهية في …
وده دفتر الأرباح والخسائر بكل بساطه هنشوف التكاليف التي تم صرفه من بدايه شراء المنتج لتكاليف التخزين والنقل والتسويق ونشوف المبيعات لو المبيعات اكتر يبقي حققنا ارباح لو التكاليف اكتر يبقي فيه خساره ولازم تتحقق من البنود ونشوف ايه سبب الخساره
قائمة المركز المالي ( الميزانية)
وقبل ما نتكلم عن الميزانية خلينا نقول الفرق بين الميزانية والموازنة.
- الميزانية بتكون فعليه عن فترة منتهيه بتصدر نهايه السنه بتبين الأصول والالتزامات وحقوق الملكية الخاصه بنهاية السنة المالية.
- الموازنة بتكون تقديرية عن فترة مقبلة بتصدر أول السنة بتبين المصروفات والايرادات التي تخص السنه القادمة.
طبعا بنستفاد منهم اننا بنعرف وضع الشركه المالي ليك كام في السوق و عليك كام كل التفاصيل الخاصة بالشركه عن فتره سابقه .
متستغربش ومتخفش الموضوع بسيط وهنوضحه بسهوله مع بعض مش عارف ليه الناس اما بتشوف كلمة الميزانية بتخاف شویه.
لا الموضوع بسيط خالص الموضوع وما فيه يا سيدي اننا عايزين نعرف الشرکه وضعها ايه دلوقت ” عندك بضاعه بكام وعليك فلوس كام ومعاك كام ف الخزنه والعربية الي انت شاريها بكام ” هي دي الميزانية
- الاصول الثابته الي عندك زي العقار الي فيه الشرکه او السياره اوالاثاث الي عندك قيمة كل واحد فيهم ايه.
- الاصول المتداوله يعني مش ثابته ممكن تنقص وممكن تزيد زي البضاعه الي في المخزن او الفلوس الي في الخزنه.
- الخصوم او الالتزامات الي عليك زي القروض الي من البنك او الموردين الي بتشتري منهم بضاعه.
- حقوق الملكية دي بقي بنحط فيها راس المال أو الأرباح الي ليك في الشركه و غيره وده مثال عليها .
