يا ترى ال GNS3 أفضل أم EVE-NG أم VIRL أم Packet Tracer ؟؟
طبعا الإجابة عن السؤال ده لكل إللي درسولي معروفة .. It’s the GNS3!
كل ما يخص برنامج GNS3
- برنامج محاكيات الشبكات GNS3 وأهم مميزاته
- تحميل وتثبيت برنامج GNS3
- كيفية اضافة راوترات وسويتشات سيسكو في GNS3
- كيفية إعداد وربط GNS3 VM ببرنامج GNS3
- كيفية إضافة روترات وسويتشات سيسكو IOSv على GNS3 VM
- GNS3 أفضل أم EVE-NG أم VIRL أم Packet Tracer
خلونا نطلع ال VIRL و Packet Tracer من المقارنة لسببين
VIRL
ال VIRL مش مجاني .. ده بإشتراك شهري بتدفعه لسيسكو .. و مش available فيه إنك تربط مكن من ال VMware معاه إلا بطرق معقدة و رخمة .. (طبعا فيه نسخ متكركة نزلت منه لكن هتتعبك في شغلك عليه .
Packet Tracer
ال Packet Tracer مش بيعتمد على ال Emulation Techniques زي البرامج التانية .. و إنما هو بيحاكيلك فقط ال Software بصرف النظر عن ال Hardware و ده موضوع بقى هنجيله بعدين و هنشرحه بالتفصيل .. و ال Packet Tracer مش هيعدي معاك مرحلة ال CCNA R&S LABs من أساسه و هيقيدك بشكل كبير و مش هيديك إمكانية توصيل VMs عليه زي ما ال GNS3 أو غيره من البرامج بيعمل
هنا بقى نيجي للسؤال المهم : ال GNS3 أفضل أم EVE-NG ؟!
لما تقارن البرنامجين دول كانك بتقارن بين عربية BMW فئة Luxury و عربية Mercedes فئة Luxury برضه .. ألإتنين ليهم سعر متقارب و ليهم تقريبا نفس الإمكانيات .. في الأول و الآخر كل عربية هتمشي بيك و تديلك اوبشنز ..
كما الحال ال GNS3 و ال EVE-NG هيدوك إمكانيات جبارة تقدر تشتغل عليها في ال Virtualized Environment و تعمل Systems تدخل فيها كذا Technology مع بعض و هتبقى مبسوط سواء شغال بده أو بده .. و لكن…
ال GNS3 بيتفوق على ال EVE-NG في نقطتين مهمين و خلوني شخصيا أميل لل GNS3 (إللي بقالي أكتر من 5 سنين شغال عليه) .. و النقطتين هما:
- أولا: تعامل ال GNS3 مع ال Virtual Machines سواء على ال VMware أو ال Virtual Box أفضل بكتير من ال EVE-NG خصوصا مع صدور نسخ ال v2.x.y (عملوا تطويرات كبيرة جدا في النسخ ديه و خلى موضوع ربط مكن على ال VMware ب Topology على ال GNS3 في غاية البساطة و الأداء اتحسن و إيرورز كتير كنا بنضطر نصلحها Manually إتصلحت و إتعالجت)
- ثانيا: ال GNS3 يكتسح ال EVE-NG في ال Scaled Topologies .. لأن ال GNS3 عنده Feature ال Load-Balancing و يقدر يخلي ال Project يشتغل على أكتر من Hosting Server إللي هو إسمه GNS3 VM .. طبعا ممكن حد يقولي ما ممكن مكنة ال EVE-NG أعلي الإمكانيات بتاعتها و أخليها تشيل بروجكتات كبيرة .. أوكيه .. إنت تقدر تعمل كده و تشغله لكن كلمني عن ال Performance .. لأن برضه ال GNS3 VM تقدر تزود إمكانياته لكن لو حطيت عليه اكتر من 15 راوتر بالبلدي كده (هيجلي معاك)
يعني من الآخر مش هيديك أداء .. تقدر وقتها تعمل أكتر من GNS3 VM و توزع الأحمال بتاعت البروجكت عليهم لكن في ال EVE-NG هل هتقدر تعمل كده ؟!
