في إطار حرصنا علي ربط الدراسة النظرية بالواقع العملي و بعد ما شرحنا في المقال اللي فات طريقة تنفيذ دومين كونترولر وأكتيف ديريكتوري بشكل كامل في الواقع العملي وتقدر تطلع عليه من هنا
هنشرح النهاردة طريقة تنفيذ وعمل الفايل سيرفر بشكل كامل وطريقة تنفيذة في الحياة العملية وإعطاء كل قسم صلاحية الوصول لبيانات معينة وغيرها من مميزات الفايل سيرفر في مشاركة المفات.
خطوات تنفيذ مشروع فايل سيرفر – File server
أولا:
• هتعمل Shared folder اساسي وتدي للناس كلها Access عليه ايوه . اصبر عليه بس ادي للناس كلها اكسيس علشان يدخلو ويفتحو .
• جوه الفولدر الاساسي ده هتعمل لكل إداره فولدر خاص بيها وهنا بقي اللعب هتدي لكل إداره اكسيس علي الفولدر الخاص بيها بس.
مش هتروح تاخد كل موظفين الاداره واحد واحد وتديهم اكسيس “متبقاش غشيم” انت المفروض كل OU تعمل فيها Group باسم الـ OU وليكن Sales هتعمل جروب بنفس الاسم وتخلي كل الموظفين Members جوه الجروب دي علشان ببساطه لما تحتاج تديهم اكسيس علي حاجه تانيه بعد كده كل اللي هتعمله انك هتدي للجروب بتاعتهم اكسيس علي الفولدر ويبقي كده كل اللي ف الجروب دي اخدو الاكسيس بيرميشن بتكه واحده .
بلاش تتوه مني واطلع بص علي الصوره اللي فوق الخاصه بالفايل سيرفر وانزلي تاني بسرعه هنا 😅.
ثانيا:
• Mapping Drive .. هما الناس هتفتح الـ Run علشان يشوفو الفولدر شير الاساسي اللي جواه فولدر لكل اداره و لا هيعملو ايه ؟ لا طبعا مش بروفيشيونال خالص يا جميل .
بص للنقطه الجايه كده …
• من الـ Group Policy هتعمل Mapping Drive للفودر الاساسي وليكن Share زي منا عامله في الصوره المرفقه فوق – هتعمل الماب دي وتطبقها علي كل المستخدمين وبالتالي كل الناس لما تفتح My Computer هتلاقي Drive ظهر اسمها Share .. برافو هي دي . وبكده كل واحد هيقدر يفتح الDrive ده علشان كله واخد اكسيس عليه . لكن محدش يقدر يفتح فودرات الادارات اللي جوه الا ادراته بس !.
بس خلاص….. بكدة نكون إنتهينا من مشروع عمل فايل سيرفر وإطاء صلاحيات للمستخدمين علية كتجربة حية في الواقع العملي.
نسأل الله العظيم رب العرش العظيم أن يكون هذا العمل خالصا لوجهه الكريم وأن ينتفع به المسلمين. لا تنسونا من خالص الدعوات عسي الله ان يقبلنا عنده سبحانه وتعالي 😊😊
بقلم مهندس Reda Elassal
