في هذا الموضوع سنتحدث عن الأوامر التي تساعدنا علي فهم الأوامر الخاصة بنظام لينكس ومعرفة وظيفه كل أمر وطريقة إستخدامه
علي سبيل المثال لدينا أمر لا نعرف عمله أو كيف يعمل وكيف نستخدمه . في هذه الحاله سنقوم بمعرفة ما هذا الأمر أو ما هي وظيفته لكي نكون علي علم بفائدته .
طريقة معرفة وظيفة الأوامر في لينكس :
هنستخدم الأمر: whatis مثل .. Whatis Ls
هنا هيعرض لك عمل ووظيفه الأمر بشكل مختصر .
بعد ما فهمت الأمر بيعمل اية نيجي بقي علي ازاي نتعامل معاه .
قبل ما اقولك ازاي نتعامل معاه لازم تعرف شكل الأوامر أو إدخال الأوامر في نظام تكوينها ازاي .
تركيبة الأوامر في لينكس:
Command + option + argument
يعني اية الكلام دة
- الخانة command هي الأمر اللي انت هتنفذه مثلا cd or Ls .
- الخانة option دي حاجة إضافية للأمر ممكن تغير من نتيجة الاخراج بتاعته حسب مهمة الأمر وهنعرف ازاي و دة اختياري مش اجباري انك تكتبه زي ما هتعرف .
- الخانة argument ببساطة هو المفعول به أو الملف اللي هيتنفذ عليه الأمر .
طريقة إستخدام الأوامر في لينكس:
عن طريق الأمر man مثال .. Man Ls هنا بقي هيجيلك شرح استخدام الأمر وهيقولك علي الاستخدام و يقولك علي option اللي ممكن تستخدمها
مثال للتوضيح :
عندنا ملف اسمه مثلا file دخلت علي الملف دة وعايز اعرض اللي جواه
هكتب .. Ls file الأمر دة بيعرض لك الملفات الموجودة داخل الملف والأمر دة أنا دخلت داخل ملف فايل .
طيب الاوبشن بقي استخدمها ازاي؟
بسيطة حسب الترتيب اللي فوق Ls -a file الاوبشن هنا هو -a هنا بقوله اعرض لي اللي داخل الملف دة بالملفات المخفيه فيه.
يبقي -a مهمتها اظهار الملفات المخفية بدون الاوبشن دة هيتنفذ الأمر عادي جدا طبعا في اوبشن كثير للأمر وكل اوبشن له مهمته .
عندنا اوبشن بقي موجود داخل كل أمر خاص بيه وهو له كذا شكل
-h –help -help حسب ما هو مكتوب داخل الملف التعريفي للأمر أو الأداة
طيب لو الأمر مش شغال علي man أو الاوبشن الخاص بيه يبقي هنستخدم الأمر
info info ls الأمر دة هيعرض لك كل شئ عن الأمر بادق التفاصيل .
كدا عرفنا ازاي نستخدم الأمر و اية هي مهمته
ناقص حاجة بسيطة وهي ازاي نعرف المسار التنفيذي الخاص بيه وهو اية هو المكان اللي بيتنفذ منه الأمر
عن طريق whereis whereis ls هيقولك مسار تنفيذ الأمر
بقلم مهندس / Mostafa Mohamed
