مقال اليوم لكل المهندس اللي بيبحثوا عن التخصص في مجال ال security بعد دراسة كورس CCNA
لو عايز اتخصص في مجال السيكيورتى ادرس ايه بعد ال CCNA ؟؟
طبعا عارفين ان تراكات سيسكو كلها اتغيرت تغيير كبير.. وان حاليا بأة لازم تدرس ال core ومعاه اى تراك تانى selective.الترتيب مش مهم بالمناسبة.
مستوى ال professional اساسا ف الغالب بيكون للمهندسين اللى بيشتغلو.. يعنى بيكون عارف ايه اللى شغال عنده ف الشركة او حتى ناوي يتارجت شركة تانية عندها products ايه.. يمعنى، تراك الكور دا فيه الاساسيات وكورس مهم الصراحة.
لكن بعد كدا كله على حسب شغلك لو انتا شغال ف شركة فيها فايروول سيسكو فايرباور يبقا تدرس ال 300-710.
لو شغال ف شركة عندهم ISE يبقا تدرس ال 300-715 وهكذا.
رأيى انا بأة الشخصى، وكالعادة ليك توافق عليه او ترفضه
بناء على الاماكن اللى اعرفها ف مصر شغالين ازاى.. اغلب مصر شغالين fortigate .
داتا سنتر كبيرة ف مصر وبدون ذكر اسماء شغالين فايرباور.. المشكلة عندهم ف الفايرباور انه لو اتعمله ريستارت بيرجع يشتغل تانى عادى لكن ال management بتاعه بيفصل لمدة ساعة كاملة.
شركة تانية كبيرة وليها فروع على مستوى مصر كلها، شغلو الفايرباور لمدة اسبوع بالظبط وبعدها شالوه وركبو فورتى جيت وحاليا عندهم فورتى وبالو التو.
البالو التو بدأ يدخل ف مصر بردو وينتشر..
كذا مكان اعرفه بدأ ينتشر فيه البالو التو ومنهم اماكن حكومية.
ميزة تراكات سيسكو انها بتعلمك التكنولوجى بصفة عامة قبل ما تعلمك ال products بتاعتها ولكن لو ال knowledge عندك موجوده يفضل تدرس فورتى جيت او بالو التو.
بالنسبة لل ISE، فى شركات اعرفها لسه شغالين بال ACS لكن مشفتش شركة شغالة بال ISE مش معنى كدا انه مش موجود، لكن انا مش اعرف شركات بالاسم شغالة بيه.
نفس الكلام ينطبق على ال email security وال web security appliance .
ال VPN طبعا مهم جدا جدا جدا وتقدر تطبقه على مليون product فلو الشركة فيها fortigate على سبيل المثال هيطبقوه عليه وانتهينا.
التراك بتاع ال automation بأة انا لسه مبتدأة فيه فمش هقدر اقول رأيى فيه الصراحة وبالتوفيق ان شاء الله..
نقلا عن مهندسة/ عبير حسني
