اخبار التكنولوجيا : ابل اطلقت من شويه النسخة التجريبيه الثانيه للمطورين من التحديث المنتظر iOS 13.4 ونستعرض سويا مميزات تحديث أبل الجديد
مميزات تحديث iOS الجديد:
- مشاركة ملفات iCloud Drive :
الخاصية كان معلن عنها في مؤتمر المطورين اللي تم الاعلان فيه عن iOS 13 بس مكنتش اتفعلت … لحد مانزل تحديث 13.4 التجريبي وبان فيه ان الخاصيه دي بقت متاحه
دي ميزه جديده تسمح بانك تعمل share للملف كامل في iCloud drive لأي حته
- خاصية CarKey :
دي ميزه جديده لقوها المطورين في التحديث وهيبقى ليها مقال شرح منفصل .. بس باختصار الميزه دي هتتيح ليك فتح و قفل العربيه بخاصية NFC
- مسح الصور المكرر :
واخيرا بعد الاعلان عن ميزة حذف الصور المكرره في مؤتمر iOS 13 … الميزه هتنزل بشكل رسمي ان شاء الله في التحديث ده .
- اضافة emojis جديده :
يتضمن التحديث اضافة 9 emojis .
- السماح للوصول للموقع :
لما تنزل تطبيق ويطلب الوصول للموقع اول مره وبعدين automatic يوصل للموقع .. بقا الطبيعي انه كل مايطلب اذن الموصول للموقع يظهرلك علامة تاكيد للوصول .
- تجديد في شريط برنامج Mail
- ظهور status bar في control center :
في اجهزة iPhone X واعلى لما تسحب control center بيظهر status bar معاك وبيبان فيه نسبة الشحن والساعه وكده بعد الابديت ده بقا يظهر في كل الاجهزة اللي بتدعم الابديت … اللي هم من 6s وفوق
- تطوير في خاصية Siri :
– في الابديت ده بقا ممكن تفعل خاصية Hey Siri حتى لو الفون محطوط على وشه
– كمان بقيت ممكن تقول ل Siri توديك للشاشه الرئيسيه … قبل كده مكنش متاح
واطلقت كمان النسخة التجريبيه الثانيه من كل من :
– iPadOS 13.4
– tvOS 13.4
– macOS Catalina 10.15.4
– watchOS 6.2
التحديث هينزل للكل كمان ٣ اسابيع ان شاء الله ومبنصحش بالنسخ التجريبيه .
نقلا عن iOS World
