أنواع الصلاحيات علي الملفات والفولدرات وكيفية إعطاء صلاحيات للمستخدم في لينكس

السلام عليكم ورحمة الله وبركاته

الصلاحيات هي سياسات أو قوانين يضعها منشأ الملف ولا يستطيع أحد التغيير فيها إلا صاحب الملف و حساب الجذر ا

الصلاحيات عشان يبقي في صلاحيات يبقي يلزم وجود :

١- مالك ( مالك الملف )
٢- الصلاحيات علي الملف

س١ – من هو المالك ؟

هو الذي له الصلاحيات علي الملف وينقسم الي ثلاث ملاك :

١- المالك أو منشأ الملف
٢- المجموعات
٣- الآخرين

١- المالك لهذا الملف :

وهو الذي لديه كل الصلاحيات علي الملف ومنها ايضا إضافة صلاحية للمجموعات أو الآخرين .

٢- المجموعات :

وهي عبارة عن مجموعة من اليوزر يطبق عليهم المالك صلاحيات معينة .

٣- الآخرين :

وهم باقي اليوزر الذي يمكنهم رؤية الملف بمعني أنهم ليسوا في أي مجموعة حسابات منفصلة .

الصلاحيات :

الصلاحيات هنا ثلاث صلاحيات ( Read write excute ) وهي تنقسم الي قسمين أو نوعين :

١- صلاحيات رقمية يعني تضاف ك ارقام
٢- صلاحيات حسابية تستخدم فيها الحساب

كيف تعطي صلاحية للملفات ؟

هقولك قصة
هناك يوزر اسمه ahmed أنشأ ملف اسمه file.txt وجرب يشوف معلومات الملف دة

كتب ls -ll file.txt

ظهر له اخراج كالاتي :

-rwxrw-r–. 1 root root 84 Jan 4 21:40 file.txt

تعالي بقي نشرح اية دة :

-rwxrw-r– دي الصلاحيات

يعني اية الكلام دة :

• – تعني أن دي ملف نصي مش فولدر لو فولدر هتلاقي حرف d
• rwxrw-r-
• اول ثلاث حروف rwx دول كدا صلاحيات المالك لهذا الملف
• يعني r read w write x excute

• ثاني ثلاث حروف -rw دول خاصين بالمجموعات صلاحيات المجموعات عرفنا يعني اية rw يعني اية بقي – يعني مفيش صلاحية تقدر تقول ممنوع يعمل تنفيذ للملف يعدل و يقرأ فقط .

• ثالث حروف –r عرفنا طبعا يعني اية r write — ملوش صلاحيات
• دول ينتموا لباقي اليوزر يعني الآخرين .
• 1- تعني دة رقم يعطي للملف وهو بيقولك كام عدد المسارات اللي ممكن توصل له عن طريقها وهل هو .
• Root دة مالك الملف
• Root دي المجموعة اللي لها صلاحيات ع الملف
• 84 حجم الملف بعد كدا التاريخ وساعة انشاء الملف .
• كدا عرفنا معني الكلام دة اية

كيف نحدد الصلاحيات ؟

عشان نحدد الصلاحيات لازم نعرف طريقتين وهما:

1- Absolute mode
2- Symbolic mode

Absolute mode

وهنا هنحدد الصلاحيات بأرقام يعني كل صلاحية ليها رقم معين كالاتي :

Read = 4
Write = 2
Excute =1

يعني اية الكلام دة بسيطة خالص بص يا هندسة مثال بسيط

عندنا ملف عايز اعطي له صلاحيات هتكون كالاتي :

المالك = read write excute
المجموعات = read excute
الآخرين = read

يبقي الصلاحيات دي هتبقي عبارة عن ارقام كالاتي برضه
المالك = 7 الرقم دة ازاي جمعنا read write excute أعطانا رقم 7 صح 4+2+1=7
المجموعات = 5 read excute ازاي 1+4=5
الآخرين =4 read

للتوضيح اكتر شوفنا قيمة كل صلاحية وجمعنهم و اكتبنا نتيجة الجمع اية

ناقص أمر تنفيذ الصلاحيات عن طريق الأمر chmod

chmod +754 file.txt

نسيت اقولكم لازم عشان ننفذ الأمر أو إعطاء صلاحيات لازم تبقي بحساب الروت أو الحذر
لو نفذنا الأمر دة هيبقي معلومات الملف كالاتي :

rwxr-xr–. 1 root root 0 Jan 5 18:44 file.txt

لو حللنا النتيجة هتطلع زي ما حسبناها فوق المالك له كل الصلاحيات المجموعة تقرا وتنفذ الآخرين يقرا بس.

Symbolic mode

الطريقة دي هنعتمد فيها علي العمليات الحسابية هتبقي كالاتي :

اليك الرموز

U – owner
G – group
O – other

العمليات الحسابية :

+ إضافة صلاحية
– حذف صلاحية

هنفذ نفس المثال اللي فوق :

مالك = read write excute
المجموعات = read excute
الآخرين = read

هتفهمها بالأمر دة :

Chmod u=rwx file1.exe
Chmod g=rx file1.txt
Chmod o=r file1.exe

طيب لو عايز اضيف صلاحية أو اعدل صلاحية مثلا للآخرين :

Chmod o+x file1.txt

لو عايز أشيل صلاحية هنغير + بعلامة – الأمر بسيط بس اية مشكلة الطريقة دي انها مش أسرع زي الاول
الطريقة الأولي ممكن تعمل كل دة بسطر او بامر واحد

إن شاء الله الدرس القادم هنتعلم ازاي نغير مالك الملف يعني يبقي الملف مملوك ليوزر اخر وكمان نغير الجروب
لو في معلومة مش واضحة اترك تعليق