متابعي موقع كونكت التقني الكرام مقال اليوم عن أنواع الهارادات الخاصة بالكمبيوتر واللاب توب أو الهارد ديسك عامة سواء سيتم إستخدامه كوحدة تخزين داخلية أو كنسخة إحتياطية أو وحدة تخزين خارجية وماهو الفرق بين كل نوع منهم وماهي خصائص كل هارد فيهم ؟
وممكن تشوف المقال ده من هنا اللي اتكلمنا فيه عن الفرق بين الوان هاردات ويسترن ديجيتال وخصائص ومميزات كل هارد فيهم
ماهي أنواع الهاردات حسب طريقة توصيلهم أو أمكانهم في الجهاز:
تنقسم أنواع الهارادات إلي 4 أنواع حسب شكل طرف التوصيل الخاص بيهم وهم:
HDD – SSD – SSHD – M.2/NVME وطرف التوصيل بتاعتهم ع البوردة نفسها ” السوكيت ” أنواعه IDE – SATA – M.2
خلينا نبدأ بـ أنواع السوكيتس ” طرف التوصيل ” :
IDE
كان سوكيت على البوردة البنتيم 3 و 4 و أول إصدارات الـ LGA نوع قديم جداً عبارة عن سوكيت عريض و فيه سنون كتيرة بتركب ف كابل و دا إنتهى غالباً من السوق فى 2005و مبقاش ينزل مكان ليه أصلاً ع البوردات الحديثة و أكبر هارد شفته ليه كان 320 جيجا .. و كان بطيئ جداً.
SATA
هو السوكيت المنتشر من بدايات الألفينات و لغاية دلوقتي و هو الأفضل و الأسرع و الأكثر شعبية تم تطويره لكذا إصدار .. ساتا 1 / سرعته 1.5 جيجاساتا 2 / سرعته 3 جيجا .. ساتا 3 / سرعته 6 جيجا و وصل لـ ساتا 3.2 مؤخراً .. و دا سرعته 16 جيجاو السرعات دى هى أقصى سرعة بيدعمها السوكيت نفسه و السرعة بتاعتك معتمدة ع سرعة الهارد إللي واصل ف السوكيت.
ماهي انواع الهارد ديسك ؟
1- الهارد HDD:
دا أكتر هارد منتشر – لإنه رخيص ، و سرعته مناسبة للأغلبيةالتقنية بتاعته ميكانيكية الحركةيعنى بيتحرك عن طريق لامؤاغذة إحتكاك مكوناته الداخلية بشكل معينبيشتغل معاك بمجرد إحتكاك الإبرة بالإسطوانة الداخليةو قراية البيانات إللي متسجلة عليها .. دا بإختصار شديدفكرة شبيهة بـ الجرامافون إللي كان بيشغل إسطوانات زمان و فيه دبوس صغير الإسطوانة بتدور تحت منه و الأغنية بتشتغل.
والهارد ده فيه منه نوعين بيشتغلوا على سوكيتات مختلفة وهما DE – SATA.
ماهي العوامل المؤثرة علي سرعة الهاردسك ال HDD ؟
و سرعة الهارد دا بـ تتحدد من حاجتين وهما :
- عدد اللفات و أشهر الأنواع الحالية سرعتها ما بين 5400 – 7200 لفة في الدقيقة
- نوع السوكيت الخاص به ، هل هو ساتا 1 أو 2 أو 3 – ولا IDE
و أشهر الشركات المتخصصة ف صناعة الهاردات ال HDDWestern Digital – Seagateو من بعدهم فى شركات تاني زي /Maxtor – Hitachi – Samsung – Toshiba لكن الأفضلية للشركتين إللى فوق طبعاً لو متوفرين قدامك
2- الهارد SSD
تاني نوع من وحدات التخزين هو الـ SSD و دا بيركب على السوكيت الـ Sata فقط مفيش منه أنواع لـ سوكيت الـ IDEو دا أسرع نوع هاردات موجود حالياً ، لكن سعره غالي ىسرعة الهارد دا بتتحدد حسب نوع السوكيت الخاص بيهو أي تكنولوجي إضافية الشركة المُصنعة عاملاها عشان تميزه و ملوش عدد لفات ، لإن التقنية بتاعته إلكترونية مش ميكانيكية بيبقى عبارة عن شرائح متصلة ببعض على البوردة شبه الفلاشة كداو دى تقنية سريعة جداً و هى الأحدث.
و بيكون الحجم الخارجي للهارد صغير مقارنةً بـ الـ HDDو بيبقى مُصَنع من البلاستيك أو المعدن الخفيف و وزنه 120 جرام بالكتيرعلى عكس الـ HDD إللي ممكن يوصل 800 جرام و عشان تحس بـ فرق السرعة كـ وقت مش كـ أرقام و تدرك الموضوع أويالوندوز لو بيفتح و يحمل البرامج على الهارد الـ HDD فى دقيقة مثلاًهيفتح على الهارد الـ SSD ف 10 ثواني تقريباً و هكذا بإختلاف الموديلات و أنواعها.
أشهر الشركات المصنعة للهاردات ال SSD:
و من أشهر الشركات المُصنعة لـ الـ SSDSamsung – Kingston – Corsair – Crucial – Team – Adata ومؤخراً شركة Western Digital دخلت سوق الـ SSD بكذا موديل و فيه موديلات حديثة من الـ SSD تحت إسم M.2 – NVME دا أخر تطوير للفئة بتاعة الـ SSD بشكل عام و هي أسرع وحدات تخزين ف العالم حتى الأنفيه منها كذا إصدارة مُطورة بتركب على مخرج إسمه M.2 بيتوصل مباشرةً على البوردة ، مش بكابل ساتا عادي زي إللي بنستخدمه
نوعية الـ SSD دا بتبقى شبه الرام تقريباً و المكان بتاعه ع البوردة مش موجودإلا في الأجيال الحديثة فقط من الاجهزة
مُعضلة كبيرة و خناقة هتلاقيها ع هل ينفع نقول ع الـ SSD هارد و لا لأهو علمياً مينفعش ، لإن هارد جاية من كلمة ( صلب ) ترجمة حرفية و دي بنقولها ع الهارد الكبير العادي ، لإنه فعلياً صلب لكن الـ SSD تقنية تاني و تكوين تاني ، مينفعش نسميه هارد لكنها بتتقال كمصطلح دارج مش أكتر و إن كان مش صحبس عادي يعني المهم إنك تبقى فاهم و كلنا فاهمين مع بعض.
3- الهارد SSHD :
دا خليط و دمج بين النوعين إللى قلناهم فوقي عني الشركة تعملك ف الأول مساحة بتقنية زي الـ ssdو باقى الهارد تخليهولك ب تقنية الـ HDD بحيث تسرعلك أداء الوندوز و برامجه نفس فكرة إننا نشتري SSD و نخليه للوندوز و البرامج بسمش منتشرة أوي الهاردات دى و محققتش نجاح كبير ف السوقو سعرها أغلى بسيط من الـ HDD العادي.
