انا مش عارف ايلون ماسك بيجيب الافكار دي منين تعال اكلمك عن مستقبل المواصلات تخيل انك ممكن تسافر من القاهره لاسيوط بوسيله انتقال على الارض فى 24 دقيقه بس ( المسافه ما بينهم بالعربيه تقريبا 390 كيلو ) طب تخيل انك ممكن تنقل بضاعه من اسوان لميناء اسكندريه وتاخد ساعه واحده فقط بدل ما تاخد يوم كامل وبردوا بوسيله نقل ارضيه ( المسافه بالعربيه تقريبا 1090 كيلو ) ..
وسيله الانتقال الرخيصه الاسرع من الصوت دى دخلت بالفعل حيز التنفيذ واسمها هيبر لوب – Hyperloop وفكرتها انها عباره عن كبسولات بداخل انبوب مفرغ من الهواء ذات ضغط منخفض ( لمنع مقاومه الهواء للحركه ) يتم دفع هذه الكبسولات بضغط الهواء و بمحركات تعمل بالطاقه الشمسيه ..
وتصل سرعتها القصوى الى 1200 كم فى الساعه ويصل الى سرعه 187 كيلو فى الساعه بعد 1.1 ثانيه فقط من الاقلاع !..
صاحب الفكره هو الاسطوره ايلون ماسك – Elon Musk الرئيس التنفيذى لشركه SpaceX ( المنتجه لاول صاروخ فضائي يتم اعاده استخدامه ) و شركه Tesla للسيارات الكهربائيه و شركه SolarCity ( المنتجه لاكبر بطاريه يعاد شحنها في العالم ) .
وفكره ايلون تتلخص ببساطه فى رغبته فى ايجاد وسيله مواصلات تتميز ب ال 5 خصائص الاتيه :-
- محصنه من الطقس و تقلباته
- لا يوجد بها تصادم
- سرعتها ضعف سرعه الطائره
- قليله استخدام الطاقه
- تقوم بتخزين طاقه كافيه لمده 24 ساعه من العمل
وذلك لاستخدامها بعد ذلك فى اقامه مستعمرات على المريخ حيث ان مقاومه الهواء على المريخ ضعيفه مما يسمح بعمل الكبسولات بدون انابيب على مسارات للطرق فقط ! إحنا ملناش دعوى بالمريخ خلينا فى الارض الاول ..
ايلون ماسك قالك انا مش هادخل لا انا ولا شركتى تجاريا فى المجال دا وهخلى التصاميم وكل حاجه Open-source للافراد و مجموعات المهندسين والشركات واى حد عايز يقوم بتطوير الاداء فى هذا المجال .. بس هدفى اسرع من تطوير هذا المجال وقام بعمل مسابقه وجايزه فى هذا العام 2016 اسمها Hyperloop pod competition لتصميم وبناء مركبه تعمل طبقا للـ Hyperloop concept وقامت شركته SpaceX ببناء مسار للكبسولات طوله 1.6 كيلو فى كاليفورنيا من اجل المسابقه وبالفعل تقدم 700 فريق وتم الانتهاء من الشطر الاول من المسابقه الخاص بالتصاميم ..
الخلاصه ان الانتقال الارضى الرخيص للافراد والبضائع بسرعات اعلى من سرعه الصوت اصبح شبه واقع يجرى تنفيذه فى العالم ودا هيعمل ثوره اقتصاديه ضخمه فى العالم فى النقل والشحن وحاليا شركه Hyperloop One ومؤسسها الامريكى (ايرانى الاصل) Shervin Pishevar حليف Elon Musk تقوم بتنفيذ ذلك عمليا بالفعل وحددت عام 2020 بانه عام بدأ العمليات التجاريه ..
مين بقى يلتقط هذ الخيط ومتابعه من الاول ؟؟ روسيا .. ازاى وليه واشمعنى روسيا ؟؟ دا لان روسيا اصلا مشاركه من الاول باستثمارات تخطت 100 مليون دولار فى تطوير تكنولوجيا ال Hyperloop في هذه الشركه ودا نظرا للاتى :-
- الاهميه الكبرى لوسائل النقل السريعه فى روسيا البلد الاكبر في العالم من حيث المساحه ( 17 ضعف مساحه مصر ) .
- روسيا فى اتجاهها شرقا الى الصين تريد ان تكون منفذ شحن ونقل البضائع الصينيه على بحر اليابان ( حيث ان الصين ليس لها ميناء على بحر اليابان )
- ايضا طريق الحرير البرى القديم الذى تريد ان تحييه الصين لنقل بضائعها الى اوربا واسيا يمر عبراراضى الاتحاد الروسى .
ونتيجه لذلك اتفقت روسيا مع مؤسس شركه Hyperloop One الامريكيه انهم يعملوا اول Hyperloop فى العالم يربط مقاطعه جيلين الصينيه الصناعيه بميناء زارو بينو الروسى على بحر اليابان بطول 70 كيلو متر ..
دا كمان السويد و فنلندا بيفكروا يربطوا العاصمتين استوكهولم و هلسنكى عن طريق Hyperloop بوتين فى لقاؤه مع مؤسس Hyperloop one لتوقيع الاتفاق قال الاتى :-
Hyperloop will fundamentally change the global economy.
نرجع تانى لام الدنيا يا ترى بقى ال fundamentally change فى الاقتصاد العالمى دا فى مجال الشحن والنقل البرى احنا مستعدين له واحنا بنملك اهم قناه بحريه للشحن والنقل فى العالم ؟؟ .
