إنفجار هاتف من نوع سامسونج وتحديدا موديل S4 في وجه طفل بمصر وهوه بيلعب بابجي “PUBG” .
اتعرض طفل إسمه “فؤاد هانى” عنده 11 سنة من محافظة القاهرة، لحرق في عينيه ، وأجزاء من وجهه ، وده بعد ما انفجر تليفونه المحمول وهوه بيلعب لعبة بابجي .
هانى فؤاد والد الطفل بيقول إن انفجار تليفون سامسونج S4 بتاع ابنه أسفر عن إصابته بحروق واحمِرار في العين وحروق بالقرَنية بالعين اليمنى .
![انفجار هاتف سامسونج في وجه طفل أثناء لعب ببجي 1 انفجار هاتف سامسونج في وجه طفل أثناء لعب ببجي](http://connect4techs.comwp-content/uploads/2020/09/إنفجار-هاتف-سامسونج.png)
و قال كمان إن إبنه كان بيلعب على طول اللعبة دي على هاتفه لأوقات طويلة .ووقت الحادث قال إن أفراد الأسرة والعائلة فوجئوا بسماع صوت انفجار شديد وصريخ الإبن بسبب الانفجار الغير طبيعى على الإطلاق.
والده بيقول إنه راح بيه لأحد مراكز العيون المتخصصة بمصر الجديدة حيث أكد الأطباء من خلال تقرير الكشف الطبي أن الانفجار أسفر عن إصابته بحروق ظهرية واحمِرار العين وحروق بالقرَنية بالعين اليمنى. ألف سلامة على الطفل ، ويارب يقوم بالسلامة .
وياريت ناخد بالنا من الموضوع ده كويس ياجماعة ، الموضوع ده قريب من كل واحد بيلعب ألعاب تقيلة بتستهلك طاقة التليفون وبتسخن البطارية .
ولازم نعرف إن استخدام التليفون بشكل متواصل طول اليوم خصوصاً في الجو الحر ده بيسخن الأجهزة ، وبيبقى الموضوع أخطر في الموديلات اللي بيبقى فيها معالجات ضعيفة ورامات محدودة ومفيش فيها تبريد للبطارية ده ممكن ينتج عنه كارثة .
خصوصاً لو كان موديل تم انتاجها من فترة طويلة ومايقدرش يستحمل جودة الألعاب دي زي S4 اللي انفجر ده ، اللي راماته 2 جيجا .
وفي نفس الوقت ياريت الشركات تهتم أكتر بقدرات تحمل بطاريات التليفونات بتاعتها خصوصاً إن مفيش حد مننا يقدر يستغني عن الألعاب .ياريت تهتموا بجودة البطاريات في كل فئات التليفونات مش “الفلاج شيب” بس ، سمعة الشركات أهم 100 مرة من تقليل تكاليف انتاج تليفونات اقتصادية ممكن تترمي بعد سنة .وألف سلامة عليك مرة تانية يافؤاد .