وزي متكلمنا قبل كدا عن موضوع الـ فريلانس وانك ازاي تقدر تشتغل من البيت ، هنكمل كلامنها انهاردا عن اهم مواقع الـ فريلانس Upwork لو حضرتك مشوفتش المقال الاول تقدر تشوفه من هنا وترجع تكمل قراية البوست دا .
بص يا سيدي أول حاجة لازم تعرفها ان upwork عامل عضويتين:-
العضوية الاولي Freelancer بتنقسم لحاجتين :
عادية بتديك 60 connection مجانا
بتدفع 10$ وبيكون فيها بعض المميزات عن العادية زي مثلا بتديك 70 connection وبتخليك تقدر تشوف سعر الـ freelancers اللي مقدمين علي نفس الشغلانة ودا بيساعدك في انك تحدد سعرك كام وكمان بيخليك تقدر تغير شكل ال url بتاعك
العضوية الثانية Agency بتنقسم لحاجتين :-
عادية بتسمحلك انك تضيف شخص واحد معاك فالـ Agency بتدفع 10$ وبيسمحلك تضيف اي عدد من الافراد اللي انت عايزهم معاك فالـ Agency وبيديك 10 connection فوق اللي معاك ولو اتبقي حاجه ممكن يحولهم الشهر اللي بعده وكمان بيخليك تقدر تغير شكل ال url بتاع الـ Agency
*(علشان تقدم علي كل شغلانة بيتخصم منك 2 connection)
بالنسبة للمشاكل اللي بتظهر في upwork هقسمهم لنوعين :-
مشاكل وانت بتعمل الاكونت :-
ممكن يقولك ان الـ skills بتاعك مش بتناسب الـ market place وفي الحالة دي بتروح تعدل الـ skills ونخليها متوافقه مع الـ job title اللي انت حاطة ، وخلي بالك هما مش عايزين حد يكون عارف كل حاجه هما عايزن الشخص يكون متخصص ف المجال بتاعه ، وانت اصلا ممكن تعدل الحاجات دي براحتك بعد الاكونت ميتقبل . ممكن يقو ان الـ بروفايل بتاعك مش متوافق مع الـ guide lines وفي الحالة دي لازم تتأكد انك حاطت صورتك واضحة وان الاسم اللي انت كاتبه هو اسمك ف البطاقة . طبعا محدش يحط صورة كريستانور رونالدو او واحدة حاطة اسمها سفيرة الاحزان وجاين يسألوا ليه الاكونت بتاعهم متقبلش .
مشاكل بتظهر بعد متعمل الاكونت ودي بتحصل لاكتر من سبب :-
( مشكلة فالاكونت او حد عمل عليك ريبورت او هما بيعملوا تاكيد عشوائي ) وفي الحاله دي بيطلب منك اثبات شخصية فممكن تبعتلهم صورة البطاقة او ممكن يكلموك video call عشان يتأكدوا انك الشخص الموجود فالصورة .
أما بئي بالنسبة للشغل نفسه فهما نوعين:-
سعر ثابت (fixed price job) يعني بتتفقوا علي سعر معين للشغل بغض النظر عن الوقت اللي هتقضيه فالشغلانة دي، وكمان في ميزة ان لو المشروع بير ممكن تقسمه علي اجزائ وكل جزئ بتاخد نسبة معينه من الفلوس والموضوع دا اسمة milestones .
الحساب بالساعة (Hourly job) ودا ليه طريقتين :-
الاولي (manual) بتيجي اخر الاسبوع تقوله عدد الساعات ويحاسبك عليهم التانية (automatic) ودي بتتم عن طريق برنامج بتحمله علي جهازك بيحسب عدد الساعات اللي بتشتغلها للعميل وكمان بياخد screenshot وبيحسب عدد الـ click علي الكيبورد او الماوس فخلي بالك بئي .
نقلاً عن مهندس سمير عزازي
