convert physical server to virtual machine
السلام عليكم ورحمة الله وبركاتة
السادة متابعي موقع كونكت لتكنولوجيا المعلومات والإنترنت بنقدم ليكم اليوم طريقة تحويل الفيزيكال سيرفر الي فيرتشوال سيرفر للإستفادة من تقنية الحوسبة الإفتراضية – Virtualization Technology فهنشرح بالخطوات طريقة تحويل اي سيرفر مادي لسيرفر يعمل بتقنية الفيرشواليزشن .
مقدمة:
ببساطة هي طريقة لتحويل الفيزيكال سيرفر الي فيرشوال ماشين تقدر تستعملها مع
ESX,Esxi,Vmware Server , Vmware Workstation
عشان تقدر تستفيد استفادة كاملة من امكانيات السيرفر بتاعك كهاردوير وتقدر تشغل عليه اكتر من نظام تشغيل مختلف علي سيرفر واحد وكمان بيسهل عليك عملية نقل الداتا ودمج السيرفرات في وقت الصيانة او وقت حدوث مشكلة وكتير من مزايا تقنية الحوسبة السحابية.
تحويل فيزيكال سيرفر الي فيرتشوال ماشين :
الخطوات :
الخطوة الأولي :
لازم نقوم بتنزيل برنامج VMware Converter او ما يعرف برضو باسم Physical to virtual converter من خلال الرابط التالي
لو عندك حساب علي الموقع اعمل تسجيل دخول وحمل البرنامج لو معندكش اعمل تسجيل مستخدم جديد واملي البيانات المطلوبة وبعدها تقدر تحمل البرنامج .
بعد إنتهاء التحمل قوم بتثبيت البرنامج علي السيرفر اللي عاوز تحوله لفيرشوال ماشين
أثناء التثبيت هيظهرلك رسالة لاختيار نوع التثبيت زي الصوره دي
وده بيخيرنا ما بين حاجتين في تثبيت برنامج Virtual Converter:
- Local Installation
تثبيت البرنامج علي الجهاز اللي انت شغال عليه . - Client Server installation
تثبيت البرنامج علي جهاز ريموت يكون موجود معاك علي نفس النتورك.
بعد إنتهاء التثبيت هتلاقي إختصار للبرنامج موجود علي الديسك توب .
الخطوة الثانية:
إتاكد من عدم تشغيل اي خدمة من الخدمات اللي
ممكن تتغير او يحصل عليها تعديل أثناء عملية التحويل زي
(مايكروسوفت إكستشينج سيرفر – Microsoft
Exchange Server او مايكروسوفت اس كيو ال سيرفر
– Microsoft SQL Server).
لان في حالة حدوث اي تعديل علي اي من الخدمات دي هيحصل مشكلة في التحويل فلازم توقف كل الخدمات اللي من المحتمل حدوث اي تعديل عليها .
الخطوة الثالثة:
جه وقت التحويل قوم بفتح برنامج التحويل وزي الصورة اضغط علي كلمة Convert Machine
الخطوة الرابعة :
إختار نوع السيرفر اللي انت عاوز تحوله هل هو السيرفر اللي انت مسطب عليه البرنامج لوكال سيرفر – Local Server او سيرفر تاني علي نفس النتورك بتاعتك ريموت سيرفر – Remote Server
لو هتحول ريموت سيرفر هيظهرلك نافذه زي الصورة دي هتدخل فيها ال Ip address بتاع السيرفر اللي عاوز تحوله لفيرشوال ماشين وتدخل صلاحيات الادمن بتاعتك علي السيرفر ده (اليوزر نيم والباسورد).
الخطوة الخامسة:
تحديد النسخه الجديدة اللي انت عملتها بعد تحويل الفيزيكال سيرفر ده لفيرشوال ماشين هتشتغل علي ايه ؟ وعندك اختيارين
- VMware Infrastucture virtual machine ودي بتحفظ نسخه الفيرشوال ماشين الجديده علي ESX or ESXi server
- VMware Workstation وده هيحفظ النسخه الجديدة لوكال علي جهاز الكمبيوتر اللي انت شغال عليه.
الخطوة السادسة:
إختار إسم للفيرشوال ماشين الجديدة واختار المسار اللي عاوز تحفظها فيه وبعد الانتهاء هتلاقي عندك انه تم تحويل الفيزيكال سيرفر اللي انت اختارته لفيرشوال ماشين تقدر تستخدمه بعد كده بكل سهولة
نتمني اننا نكون قدمنا شرح للموضوع بشكل بسيط ولو في اي استفسارات تقدر تتواصل معنا من خلال صفحتنا علي الفيس بوك