في مصايب عماله بتحصل على تويتر دلوقتي وحسابات كتير لمشاهير ويوتيوبرز ومؤسسين ومستثمرين تم اختراقها منها على سبيل المثال لا الحصر:
الحساب الرسمي لشركة أبل وحساب أيلون ماسك مؤسس ئركة تسلا وحساب بيل جيتس مؤسس شركة مايكروسوفت وجيف بيزوس مؤسس شركة أمازون وحساب شركة أوبر الرسمي وحسابات لمنصات تداول عملات رقمية كتيره منها Coinbase و Binance و Gimini و حتي حساب مؤسس تويتر نفسة جاك دورسي وغيرهم وبيتم استخدامهم في نشر محاولات “تسول اليكتروني” من امثلة “رجاء تحويل بيتكوين علي العنوان التالي” وغيرها.
سبب الاختراق لحد دلوقتي غير معروف ان كان هجوم Credentials stuffing (مرجح) ولا زي ما بتقول الشائعات ان في موظف من تويتر تم اختراق واحد من حساباته الخاصة بالإدارة، عنوان المحظفة الخاصة بالبيتكون اللى بيتم التحويل له وصل ل ١٢ بيتكوين لحد دلوقتى والرقم عمال بيزيد بشكل جنونى بسبب ضعف الوعى عن الناس اللى بتصدق وبتحول.
محدش يدفع او يحول اى شئ، موضوع المضاعفة دا وهردلك البيتكوين الواحد اتنين دا كله نصب فى نصب، اوعى تحول اى شئ، وتتابع الاحداث اول بأول.
