بسم الله الرحمن الرحيم
في إطار استكمالنا لتوضيح كل اللي تريد معرفته عن تقنية وتكنولوجيا شبكات الجيل الخامس 5G بنكمل معاكم النهاردة شرح وتوضيح لازاي تستقبل شبكة الجيل الخامس وايه هي مشاكلها وحقيقة تاثيرها علي الصحة وتسببها في السرطان وتكلفة الاشتراك فيها
إزاي تستقبل إشارة شبكة الجيل الخامس 5G ؟! وهل تقدر تستقبلها بتليفونك الحالي؟
للإسف لا لو مش معاك تليفون بيدعم خاصية الجيل الخامس 5G فانت مش هتقدر تستقبلها
وبتتطلب تقنية الجيل الخامس 5G مجموعة معينة من الانتينات اللي مش متوفره بشكل كبير حاليا .
على سبيل المثال :
تم ضبط تليفون LG V50 من Sprint مخصوص لشبكة 5G الخاصة بيها. وبالمثل ، تم ضبط تليفون Samsung Galaxy S10 5G لشبكة Verizon ، على الرغم من أنه سيعمل أيضًا على شركات الاتصالات الأخرى بمجرد الانتهاء من بعض الاتفاقيات.
العديد من التليفونات هتستخدم مودم Q50 من كوالكوم Qualcomm ، اللي تم تصميمه مخصوص للاستفادة من ترددات الجيل الخامس 5G.
ومن المتوقع إطلاق المزيد من الهواتف اللي بتدعم شبكات الجيل الخامس في وقت لاحق من هذا العام.
ماهي مشاكل شبكات الجيل الخامس 5G ؟
الترددات العالية بتمثل مشكلة وعائق امام انتشار تقنية الجيل الخامس ،لان كل ما التردد زاد بتقل مساحة إنتشارة والتغطيه بتاعته ، فعشان تغطي مساحات كبيرة خاصة لو عندك عوائق زي الأشجار أو المباني العالية. نتيجةً لده فلازم شركات الاتصالات اللي هتقدم خدمات الجيل الخامس تقوم بنشر عدد كبير من أجهزة الراديو الصغيرة ، واللي بتحمل اسم الخلايا الصغيرة – Small Cells ، حول أي مناطق هتوزع فيها إشارات الجيل الخامس 5G.
هل شبكات الجيل الخامس مضره بالصحه وتسبب السرطان؟!
علي طول في مخاوف من أن الإشارات الخلوي وشبكات الاتصال المحموله قد تسبب السرطان. ولسوء الحظ ، مفيش دراسات كتير لإثبات أو نفي الادعاءات دي بشكل قاطع وأن هناك مخاطر صحية فعلا .
وده بيفتح الباب قدام المخاوف الكبيرة من شبكات الجيل الخامس 5G. على الرغم من أن بعض هذه الشبكات هتعمل بترددات عالية جدًا ، بيقول بعض الباحثين أنها مازالت تندرج تحت فئة الإشعاع التي لا يُفترض أن تكون ضارة بخلايا جسم الانسان وان مفيش أبحاث كافية لاثبات ضرر إشعاعات موجات شبكة الجيل الخامس .
ومع ذلك ، فريق تاني بيقول ، ان اغلب وسائل الإتصالات حولنا واللي بتتستعمل الموجات بتشكل خطر كبير في حال إستخدامها بمعدل فوق الطبيعي أو في زي الحال في بعض الدول اللي بتسمح بوضع أبراج المايكرويف – Microwave و4G بجانب الشقق السكنية وبرغم إستهلاكنا واستخدامنا لل Microwave في منازلنا إلا انها مقبولة بعض الشئ لو استخدمناها عند اللزوم فقط.
ولكن تقنيه الجيل الخامس 5G هي أقرب إلي الإشعاعات المتأينة لأن قوتها أكبر وتغطية مساحتها بشكل أقصر ودة هيلزمه تركيب أبراج 5G متقاربة أكثر ودة بيشكل خطر مباشر علي كل كائن حي
حتي التليفون لما بتنام جنبه وكل شئ تقريبا له علاقة بالإتصالات كل ده في النهاية بيؤدي إلي بعض الكوارث علي جسم الإنسان وفقا لتقرير منظمة الصحة العالمية عن خطوره موجات الراديو وأنها من مسببات السرطان.
فمابالك بالمللي مايكروويف MMWAVE المستخدم في شبكات الجيل الخامس 5G
ماهي تكلفة الاشتراك في خدمات الجيل الخامس 5G ؟
شركة فيريزون – Verizon ،قالت ان الخدمه هتكلف 10 دولار إضافية في الشهر (بس مفيش رسوم في الوقت الحالي لانها تحت التجربه).
وقالت AT&Tنتوقع أن يكون السعر أعلى من السعر الذي نفرضه اليوم.
في حين قال مارسيلو كلور الرئيس التنفيذي لشركة سبرينت – Sprint في مارس ، إنه يرى أن 5G هي خدمة متميزة ورفض الرئيس التنفيذي الجديد ميشيل كومبس التعليق على الأسعار ، وإن الاسعار هيتم تحدديها بعد كده.
ستكون خدمة 5G المتنقلة من AT&T مجانية للعملاء “المحددين” لأول 90 يومًا. وبعد كده ، هتقوم الشركة بتحصيل 499 دولارًا مقابل خدمه الهوت سبوت بالإضافة إلى 70 دولارًا شهريًا لباقة بيانات بسعة تحميل 15 جيجا .
