مقال اليوم لشرح طريقة إدارة السيرفرات والأجهزة الأخرى مثل الراوترات والسويتشات وغيرها من الأجهزة داخل الشبكه سواء محليا أو عن بعد وتوضيح مزايا وعيوب كل طريقة منهم.
فى طريقتين علشان تعمل إداره أو مانيجمنت – management لأى سيستم أو جهاز أو سيرفر داخل النتورك:
1- الطريقة الأولى Out-of-band (OOB)
وفى الطريقة دى بنستخدم واجهة مخصصة – dedicated interface علشان عملية ال management بس سواء كانت لوكال – local أو عن بعد – remote.
كمثال على كدا:
- فتحة الكونسل – console interface في أجهزة سيسكو
- كارت التحكم والإدارة عن بعد – remote management card وده عباره عن كارت بيتركب ف الجهاز اللي عاوزين نتحكم فيه بيساعد ف عملية ال OOB management.. والكارت دا بيبقا ليه power supply خاص بيه.. بيساعدنا نعمل power on و power off و reboot من بعيد لل device.. مش بس كدا.. دا بيساعدنا ننزل OS لل device من بعيد ونعمل access لل ROM.. وغيره من الامكانيات.. كأننا بالظبط locally connected على ال device.
2- الطريقة التانية In-band (IB)
وفى الطريقة دى بنستخدم نفس ال interface المستخدم لنقل البيانات – data plane بنستخدمه ف عملية ال management بردو.
مثال على كدا :
زى مثلا ال telnet, SSH, or VNC والطريقة دى ارخص وفيها لازم يتسطب تطبيق – application على جهاز ال management وإمكانيات هذه الطريقة محدوده بالمقارنة بال OOB.
مثلا منقدرش نعمل power on لل device.. ولو حصل down لل OS مش هنقدر ننزل OS من بعيد.
نقلا عن مهندسة عبير حسني
