طريقة اغلاق المواقع الاباحية علي الراوتر والشبكة الخاصة بك بدون اي برامج

متابعي موقنا الكرام النهاردة معانا طريقة بسيطة لاغلاق المواقع الاباحية علي الرواتر الخاص بك بدون أي برامج وبخطوات سهلة جدا وبسيطة وبتعتمد الطريقة علي تغيير ال DNS عن طريق استخدام ال open dns واللي بيقوم بإغلاق المواقع الإباحية علي الراوتر بشكل كامل يلا بينا نشوف الطريقة ولو وقف معاك أي حاجة كلمنا علي رسايل صفحتنا علي الفيسبوك من هنا

خطوات حجب المواقع الاباحية من الرواتر بدون برامج

1- هتفتح الراوتر الخاص بيك وتسجل الدخول عليه عن طريق ال IP وفي الغالب بيكون 192.168.1.1 هتكتبة في مكان ما بنكتب إسم الموقع وهيطلب منك إسم المستخدم وكلمة السر

ولو مش عارفهم هتلاقيهم مكتوبين علي ضهر الراوتر وممكن تجرب User name : admin و Password : admin أو Username : admin وسيب الباسورد فاضي.

لو الكلام ده كله منفعش شوف نوع الراوتر بتاعك ايه ورقم الموديل بتاعه هتلاقيهم برضو مكتوبين علي ضهره وابحث علي جوجل واكتب إسم الراوتر والموديل وبعدهم إكتب Default user name and password .

2- هندور في الراوتر في الإعدادات علي كلمة DNS ومكانها بيختلف من راوتر لاخر ممكن تلاقيها تحت كلمة Network أو إعدادات الشبكة وممكن تكون تحت كلمة DHCP وبعد ما تلاقيها لو فاضية أو مكتوب فيها أرقام هنمسحها وهنكتب الأرقام اللي تحت دي :

في الغالب هتلاقيهم تحت مسمي Primary DNS و Secondary DNS

هنخلي ال Primary DNS الرقم ده 208.67.222.123

وهنخلي ال Secondary DNS الرقم ده 208.67.220.123

لو واجهتك أي مشكلة كلمنا علي رسايل صفحتنا علي الفيسبوك كونكت للتقنية شير الموضوع وشارك الأجر مع غيرك وربنا يعفو عن الجميع