بسم الله الرحمن الرحيم
أوقات كتير بنشوف حالات واتساب بتعجبنا عند أصدقائنا وبتبقي عاوز تحفظ الحالات دي علي جهازك او تعيد نشرها علي موقع من مواقع السوشيال ميديا والمعروف ان حالات الواتساب بتختفي بعد 24 ساعه من تاريخ نشرها وبدل ما تزعج أصدقائك كل شوية وتطلب منهم يبعتولك الحاله في الرسايل عشان تقدر تحفظها فبنقدم ليكم النهاردة ونعرف إزاي احفظ حالات الواتساب بدون إستخدام اي برامج .
وزي ما كلنا عارفين إن الواتساب مبيتحش ليك انك تحفظ الحالة مباشرة بس مع الصور سهل انك تاخد سكرين شوت , طيب لو فيديو!!
كيف احفظ حالة الواتساب؟
عشان تحفظ استوري الواتساب هنقوم بمجموعة من الخطوات اللي هتخلينا نحفظ حالات الواتساب بإستخدام تطبيق مدير الملفات – file manager
واتس آب بيقوم بحفظ ملفات الحالة سواء كانت أو فيديو على ذاكرة تليفونك ، ولكنها بتتسمح بعد 24 ساعة، فممكن ننسخ الحالات من الفولدر بتاعها لفولدر تاني علي التليفون وبكده نقدر نستخدمها بعد كده عادي.
هنحتاج إلى تطبيق مدير الملفات – File Manager عشان نعمل النسخ ، واللي بيجي مدمج تلقائيا مع معظم التليفونات بس لو مش موجود عندك تقدر تحمله من متجر التطبيقات وتثبته علي التليفون.
حالات الواتساب اللي بتفتحها سواء كانت صور او فيديو بيحفظ منها نسخة مؤقته علي تليفونك داخل فولدر الواتساب.
خطوات حفظ حالة الواتساب
- افتح تطبيق مدير الملفات (File manager) – الملفات (Files) .
- قم بتفعيل “إظهار الملفات المخفية” – Show hidden files.
عن طريق قايمة الإعدادات داخل مدير الملفات – File manager settings.
- بعد كده هنروح علي مجلد Whats App ونختار وحدة التخزين الداخلية (Local internal storage).
- ونختار من مجلد الواتساب الوسائط – Media وبعدين نختار الحالات – Statuses.
- إختار الحالات اللي انت عاوز تحتفظ بيها وإنسخها لاي فولدر تاني وبكده تبقي إحتفظت بيها علي طول وتقدر تستخدمها بعد كده وقت ما تحب.
