نقدم لكم اليوم افضل الطرق لحماية الخصوصية والامان في هواتف الاندرويد
اجهزة الاندرويد بقت موجوده في كل بيت وفي كل مكان حوال العالم وبقت بتمثل 70 % من طريقة وصول الاشخاص للانترنت حول العالم .
وتفوقت في الفتره الاخيره تجارتها ومبيعاتها علي مبيعات الكمبيوترات المنزليه او ال desk top ومع انتشار التليفونات او الهواتف الذكيه اللي بتعمل بنظام اندرويد بيزيد كم المعلومات الموجوده عليها زي (ارقام التليفونات- الايميلات-الحسابات البنكيه-مواقع التواصل الاجتماعي-الصور – الفيديوهات ) وكم كبير جدا من المعلومات حول الشخص اللي بيستخدم الجهاز النهارده هنحاول نستعرض افضل الطرق عشان تحمي تليفونك وتحمي خصوصيتك وبياناتك
اولا: استخدم قفل الشاشة -lock screen
مهم جدا انك تعمل حمايه لفتح جهازك عن طريق استخدام النقش او lock screen . سواء بالاشكال او باستخدام رقم سري – PIN code
ثانيا:- استخدم تطبيق app lock
التطبيق ده بيخليك تعمل باسورد للتطبيقات اللي عليها بيانات ومعلومات مش عاوز حد غيرك يطلع عليها زي الفيس بوك والواتس اب ومعرض الصور والفيديوهات ودليل الهاتف او لو لقدر الله تليفونك ضاع ميبقاش سهل علي حد انه ينتهك كل خصوصياتك .
ممكن تحمل التطبيق من الرابط التالي
واستخدم باسورد مختلف او نقش مختلف عن رمز قفل الشاشة (screen lock) .
ثالثا: خلي حساب الجوجل بلاي الخاص بيك باكونت جيميل تكون حافظه كويس وتعمله كلمه سر قوية عشان هتحتاجه في حاجات مهمه بعد كده هنوضحها.
رابعا:
خد نسخه احتياطيه(back up) من ملفاتك – التطبيقات والصور والفيديوهات و دليل الهاتف وكل ما يخصك . اول باول عشان لا قدر الله لو التليفون حصله حاجه او حاجه اتمسحت من عليها تقدر ترجعها بكل سهولة وده فايده انك تبقي عارف اكونت الجيميل كويس فمبجرد ما هتدخل ايميل الجيميل بتاعك والباسورد هتقوم بعمل استرجاع لكل بياناتك المعمول ليها نسخه احتياطيه
خامسا:استخدم تطبيق حمايه قوي (انتي فيرس)
سادسا :اتجنب انك تثبت اي تطبيق بره الجوجل بلاي . واتاكد من الاذونات اللي بياخدها كل تطبيق ومتثبتش اي تطبيق مش موثوق فيه .
