بسم الله الرحمن الرحيم
كل ما تريد معرفته عن إطلاق تيك توك لسمارت فون جديد بيحمل إسم التطبيق , الموضوع بدأ مع إعلان شركة “بايت دانس” المالكة لتطبيق التيك توك اللي بقي واحد من أكثر التطبيقات شعبية وإنتشار في الوقت الحالي.
ومن المفترض أن تخطط الشركة لإطلاق هاتفها الذكي الخاص. التفاصيل حوالين الجهاز الجديد نادرة ومش كتيرة ، ولكننا بنتابع كل الأخبار والشائعات والتسريبات والبيانات الرسمية من الشركة بخصوص الموضوع ده.
ايه قصة تليفون التيك توك الجديد؟
شركة بايت دانس- ByteDance الصينية المالكة لتطبيق التيك توك ،قامت بدمج تطبيقها ميوزكلي مع تيك توك في فتره سابقة ، واللي اكتسب إهتمام وإنتشار كبير علي مستوي العالم كله.
في تقارير ردلوقتي بتقول أن شركة بايت دانس بتخطط لإطلاق هاتفها الذكي الخاص بيها ، واللي متوقع إنه هيكون مدمج فيه تطبيقات الشركة مسبقا مع نظام التشغيل.
وعلى الرغم من ظهور تفاصيل قليلة ، إلا أنه المتوقع أن الجهاز في البداية هيكون مخصص للمستخدمين في الصين فقط كمرحلة أولية والتليفون مش هيكون متاح في أمريكا بسبب مشاكل الحظر علي الشركات الصينية والإجراءات اللي اخدها ترامب ضد هواوي.
ميعاد إصدار موبايل التيك توك الجديد
إلي الان لا يوجد ميعاد رسمي ومن الواضح إن التليفون لسه قيد التطوير وفي الوقت الحالي في حال إصداره بس هيبقي متاح في الصين ومش هيكون متاح في الدول الغربية.
