ليه دائما الـ IT بيقولونا اعمل ريستارت للجهاز” أو ليه TEData وغيرها من مقدمي خدمات الانترنت وحتي شركات الموبايل خدمات الدعم الفني الخاصة بيهم تنصح أول شئ بعمل restart للجهاز ؟
الحقيقة ان عملية اعادة تشغيل الجهاز هي الحل الأسهل والأشهر والأكبر نسبة في تحقيق حل المشاكل اليومية لأغلب الأجهزة زي الـ PCs والراوترات والموبايلات .. إلخ، لأنها بتنهي أي عمليات متوقفة أو واخدة حيز من مصادر الجهاز (زي الهاردوير) ده غير كمان بتأدي لتقليل الحرارة المتولدة في الجهاز نتيجة العمليات الكثير اللي بتنجز من خلال المصادر دي.
ليه نلجأ للـ Restart ؟ ايه اللي بيحصل علشان يؤدي بينا للحل ده ؟
خلينا نتكلم علي الـ PC كمثال، أي برنامج علي جهازك أو حتي الـ OS نفسه ما هو إلا شوية خدمات (services) بتقوم بعمليات محددة نتيجة الأوامر اللي المستخدم بيدخلها. ونتيجة تطور الأجهزة نفسها أصبح أمر shutdown نادرا ما بنستخدمه لاحتياجات الشغل المختلفة او حتي البيت وهو اللي بيؤدي بشكل أو بآخر لتراكم الخدمات اللي اتكلمنا عنها في الـ caching الخاص بجهازك وده اللي بيؤدي في النهاية للوصول للحد الأقصي من مصادر الجهاز فبالتالي بتحس بضعف في السرعة وزيادة في الحرارة مع جمود لبعض البرامج في أوقات
في بعض الأحيان بيكون فيه أعطال عندك نتيجة توقف service معينة (زي مثلا “مش عارف أطبع”) .. الخدمة الخاصة بالطباعة اسمها Print Spooler (تقدر توصلها من خلال الدخول لـ run عن طريق “Win+R” وبعدها كتابة services.msc وبعدها تدور علي Print Spooler) لو حصل أي خطأ أثناء التشغيل وتم وقف الخدمة لأي سبب بتضطر تدخل تعملي ريستارت للخدمة دي بعينها علشان تعرف تطبع تاني / أو تقدر تعمل ريستارت للجهاز كله
بإختصار .. عملية الـ restarting بتقوم بعمل refresh كامل لجهازك وتخفيض لحرارته وبتبتدي عملية التشغيل من جديد وده بيؤدي للوصول لنتيجة أعلي من حيث الأداء لجهازك.
منقول للإفادة
