ماذا تعرف عن (انترنت الاشياء) Internet of things
فهمت ايه من الجمله دي؟؟
جمله بلا معني وشكلها غريب ومش مفهومه تعالوا سوا نعرف يعني ايه معني انترنت الاشياء
انترنت الاشياء:
يعني كل شئ واصل بالانترنت بمعني ان كل الأجهزة والأدوات الإلكترونية هتكون قادرة على الاتصال بالإنترنت التلاجه الخاصه بيك في البيت هتبقي متوصله بالانترنت وهتبقي متصله بالسوبر ماركت الجبنه الموجوده فيها خلصت تلقائيا بتقوم التلاجه بعمل طلب من السوبر ماركت وتطلب المواد اللي ناقصه حسب احتياجاتك شوف ازاي 🙂 🙂
ممكن يخليك تتحكم في عربيتك من اي مكان وممكن تديها امر انها توقف ومتشتغلش الا باذن منك انت 🙂 تخيل لو انت بتمارس رياضة الجري ولابس حذاء رياضي متوصل بالانترنت بيحسبلك احصائيات مشيت قد ايه ومسافه كام؟؟ 🙂 كمان ممكن تراقب وتتابع اي حاجه في البيت او في الشغل او في المصنع عن بعد لان كله هيبقي متصل بالانترنت وهيبقي فيه قاعده بيانات كبيره وبيتم تحديثها باستمرار كمان ممكن نستخدم انترنت الاشياء في مجال الصناعه والصحه
والزراعه وكل استخدامتنا اليوميه وفي ظل التطور السريع وانتشار الانترنت في كل العالم ده هيساعد علي انتشار التكنولوجيا دي بشكل سريع جدا وحسب الاحصائيات الرسمية ان عدد مستخدمي الانترنت هيوصل
50 مليار مستخدم بحلول عام 2020 تخيل حجم التطور وسهوله التحكم في كل حاجه حوالينا بعد انتشار انترنت الاشياء 🙂 حاجه شبيهه بافلام الخيال العلمي ولكنها بقت جزء من الواقع
