هل سمعت عن جوجل كلاود راوتر – Google Cloud Router أو ما يسمى بال GCR ؟
في المقالة ديه ان شاء الله هعرفكم على Service رائعة تندرج تحت خدمات جوجل كلاود – Google Cloud Services
بس قبل ما اشرحلكم فكرة ال GCR .. هحكيلكم موقف حصل مع أحد العملاء بتوعي على Upwork ..
الراجل بعتلي Invitation على upwork و قالي .. إن عنده مشكلة و بتتلخص في إنه رابط Edge Router .. بال GCR عن طريق بروتوكول ال BGP و إن عنده بعض ال Networks مش بتخش في ال Routing ما بينهم ..
(بالمناسبة) .. ال Edge Router ده أحد راوترات شركة ubitique .
و بصراحة انا مكنتش اعرف إن Google موفرة خدمة زي ديه اللي اعرفه و اشتغلت عليه كان ل AWS (لشركة Amazon)
طب مبدئيا ما هي خدمة ال Google Cloud Router ؟
ببساطة كده نتخيل إن عندك 10 فروع لو حبيت تربطهم كلهم ببعض .. قصادك كذا Solution ..
أولا : إنك تربطهم باستخدام ال GRE+DMVPN
ثانيا : إنك تكلم ال ISP و يتولى هو قضية ربط الفروع .. و بيبقى في الغالب BGP Over MPLS
لكن جوجل قالتلك .. إنت ممكن تشترك في الخدمة ديه .. و هو عبارة عن راوتر واحد بس
(الراوتر ده مش حاجة Hardware) لا ده Service أو خدمة و الفكرة انك بتعمل إعدادات معينة على كل راوتر لكل فرع عشان يربط بال GCR.
و بتربطه بكل فرع عن طريق بروتوكول ال BGP او بالأدق EBGP و بكده خلاص إنت ربطت الفروع بتاعتك
بس ال GCR خدماته مش بتقف لحد كده .. تقدر تخش على اللينك ده و تقرا توصيف كامل ليه بكل خصائصه و مميزاته :
https://cloud.google.com/router/docs/
نقلا عن مهندس / أحمد رأفت
