عمرك سألت نفسك إزاي محركات الإعلانات بتقدر تعرف إهتماماتك و انت بتدور علي إيه و عايز تشتري إيه!؟ سمعت عن حاجه اسمها البيج داتا أو البيانات الضخمة – Big Data ؟
ماهي البيج داتا – Big Data ؟
ببساطه شديده كل حاجه بقيت بتعملها زي مثلاً مكالمه شركه الإتصالات تسألك عن نوع الباقات ال بتفضلها أو التفاعل بتاعك علي مواقع التواصل الإجتماعي زي ( Facebook – Instagram – Twitter – Whatsapp) و غيره كتير من posts و likes و comments و ناس بتتابعها و music بتسمعها و كل ده بيتحول ل بيانات عنك.
طيب البيانات بتتخزن فين!!!
البيانات دي بتتاخد و يتعملها حاجه اسمها analysis و merge و بتتسجل كل المعلومات عنك دي علشان تسهل وصول محركات الإعلانات دي عنك.
ده دور حاجه اسمها Big Data بتعرف محركات الإعلانات دي إيه بيشدك فهتتفرج عليه و إيه ملوش لازمه بالنسبالك ف مش يظهرلك.
طبعاً التعامل مع البيانات دي مينفعش بالطرق التقليدية، بيبقي عن طريق الخوارزميات – algorithm معين أو بتقنيات معينه و محتاجه تتخزن علي اكتر من جهاز علشان يسجلها و يعالجها ف بالتالي لازم يبقي فيه طريقه معينه تتعامل بيها و تنظمها بشكل مفيد زي ال AI و ال Data science و ال Data Analysis…
طيب ده أهميته ايه!!؟
ليه فوايد كتيره خاصه ف مجال ال marketing و ممكن تكون دي أكتر حاجة عارفينها دلوقتي زي أن ال Facebook بيستخدم ال Data بتاعتنا دي يظهرلنا إعلانات تناسبنا أو Amazon او سوق و غيرهم بيعرضولنا حاجات مشابهه لحاجات بنشتريها و مشابهه ال history بتاعنا و طبعاً اهميه ال Big Data مش بتتوقف على كده بس دي ممكن تسهل علينا عمليات كتير و تخليها تتم بشكل efficient اكتر زي البحث العلمي و ال Media و تنظيم بيانات حكوميه زي بيانات ال Healthcare أو بيانات جغرافيه زي Google maps و غيره applications كتير.
مجال ال Big Data مجال كبير و مهم خاصه لشركات زي Microsoft و Google و غيرهم صرفوا كتير علشان يطوروا المجال ده و ده دليل كبير أنه مستقبل صناعات كتير جايه…
مجال ال Big Data مهم و أهميته و تطبيقاته بتزيد مع الوقت و technology كتير هيتبني عليها المستقبل و هتزيد ال security بتاعته و دي الحاجة اللي بيشتغل عليها كتير من الشركات دلوقتي… ال Big Data ببساطه هي Better Data
سؤال مهم دلوقتي من رأيك هل ال Data دي بتتجمع بطريقه آمنه!؟