في الفتره الاخيره كل شئ مع التقدم البشري والتكنولوجي اصبح متاح . مون شوت – moonshot المصطح ده اطلقه قسم الابحاث السري لجوجل علي نوع معين من التكنولوجيا اللي عدد قليل جدا من رجال الاعمال كان عنده الشجاعه علي الاستمثار فيها . يعني ايه مصطلح المون شوت – moon shot ؟؟ وليه اغلب رجال الاعمال بيحجموا عنه؟؟ رغم ان فيه مكاسب بالمليارات .
المون شوت – moonshot :
لكي تكون التكنولوجيا مون شوت – moonshot لابد ان تكون محدده وفقا لمجموعه من المعايير وهي :-
- لابد من وجود رائد .
- لابد ان تكون مرتفعه التكلفه .
- فرص نجاحها غير معلومه بشكل واضح .
تكنولوجيا المون شوت معناها انك ترمي اموالك وتتمني انها توصل القمر ” طبعا ده يعتبر شئ مستحيل ”احد اكبر الامثله علي المون شوت هو اختراع الطائره “الاخوان رايت” مع كميه صغيره من راس المال في القرن العشرين تمكنوا من صنع اله يمكن السفر في الجو بالطاقة مما يعني ان كل اختراع عظيم بدا كانه ” مون شوت ” .
ليه صعب انك تلاقي راس مال لاي تكنولوجيا تعتبر “مون -شوت” ؟؟
السبب الرئيسي هو الفشل الذريع لكتير من الافكار اللي لما تيجي تطبقها علي ارض الواقع مبتنفعش فمش كل النظريات و النماذج قابله للتطبيق في الواقع وده السبب الرئيسي انك تقنع رجل اعمال او مستثمر علي دفع فلوسه في مشروع مجهول النتيجة .
طب ليه في ناس بتستثمر فيها؟؟
كبار المستثمرين ممكن يجازفوا بميزانيات محدوده في النوع ده من التكنولوجيا ممكن لو نجحت تعود عليهم بارباح خياليه .
جوجل بتستثمر فعليا في النوع ده من التكنولوجيا بشكل كبير زي العربيات ذاتيه القياده والطائرات بدون طيار لتوصيل الطلبات والطرود البريديه للمنازل والبالون العملاق اللي بيوصل الانترنت للمناطق النائيه واللي مفيهاش خدمات اتصالات .
في النهايه هي مجازفه ممكن تخسر ملايين الدولارات بس لو نجحت هتعود بمليارات الدولارات . ياتري ممكن تستثمر في اي تكنولوجيا “مون شوت” ؟؟؟
