بسم الله الرحمن الرحيم
السادة متابعي موقع كونكت لتكنولوجيا المعلومات والانترنت نقدم ليكم اليوم وهنستعرض معاكم مزايا استخدام البنية التحتية للحوسبة السحابية كخدمة – Infrastructure as a .Service
الكلاود كومبيوتنج او الحوسبة السحابية بتوصف إزاي تقدر تشارك الموارد المتاحة اللي انت حجزتها عن طريق احد مزودي خدمة الكلاود وازاي تستخدمها بسرعة وكفاءة وفي أقل وقت ممكن.
ومن اشهر انواع الحوسبة السحابية – Cloud Computing:
- Infrastructure as a service (IaaS)
- Software as a service (SaaS)
- Platform as a Service (PaaS)
ايه هي البنية التحتية كخدمة -Infrastructure as a service؟
تتكون خدمة الحوسبة السحابية للبنية التحتية كخدمة واحدة بتقدم للمستخدمين وبتخليهم قادرين علي مشاركة موارد البنية التحتية المكونة من ملايين أجهزة الكمبيوتر في داتا سنترز – Data Centers الموجودة في أماكن مختلفة حوالين العالم وعشان تستخدم البنية التحتية كخدمة انت بتستاجر مساحة علي حسب إحتياجاتك وبتدفع قيمة إيجار ليها مع إمكانية وصول لمراكز البيانات دي .
ومن أشهر الشركات اللي بتقدم خدمات الكلاود كومبيتنج:
- خدمات أمازون ويب -Amazon Web Services (AWS) .
- ميكروسوفت أزور – Microsoft Azure .
- Google Compute Engine.
مزودي خدمات البنية التحتية كخدمة او ال IaaS بيقدموا أحجام ومساحات وإمكانيات بأسعار مختلفة فتختار المناسب ليك ولإحتياجات شغلك يعني تدفع علي قد إستخدامك او إحتياجاتك.
تكلفة إيجار ويندوز سيرفر قائم على كلاود مايكروسوفت أزور -cloud-based Azure Windows Server:
إعداد و إنشاء سيرفرك الخاص بتقنية البنية التحتية كخدمة-iaas سهل وبسيط كأنك بتعمل تسجيل دخول لموقع ويب وتختار الموارد وإمكانيات السيرفر اللي تحتاجها وتدخل معلومات الدفع. وتختار نطاق جغرافي أو أقرب داتا سنتر بالنسبة ليك عشان تحصل علي أداء أفضل. بمجرد ما بتختار الامكانيات وتدفع تمن الإيجار ،تقدر توصل ليها عن بعد من مكتبك او من بيتك وتقدر تعمل متابعة – Monitoring لكل السيرفرات الخاصة بيك في لوحة تحكم واحدة.
ايه هي مميزات البنية التحتية كخدمة – IaaS ؟!
- إنك تدفع حوالي 100 دولار في الشهر عشان تتأجر سيرفر او جهاز كمبيوتر عن طريق أحد شركات مزودي خدمات الكلاود زي أمازون او جوجل او مايكروسوفت .
للوهلة الاولي هتشوف إن الكلاود هو خسارة كبيرة جدا للفلوس ولكن في عوامل تانية
في كتير من الشركات الكبيرة الكلاود مهم جدا لان الوقت عندهم يساوي فلوس فإستخدامك للبنية التحتية للكلاود كخدمة هيديك القدرة انك تنشئ السيرفر الخاص بيك وتبدا في إستخدامة بجموعة خطوات معدودة بدون ما يكون عندك اي أجهزة فعلية او سيرفرات في مؤسستك
- مع خدمات الكلاود إنت مش محتاج تشتري سيرفر ولا تشتري رخصة لنظام التشغيل ولا تجهز غرفة للسيرفرات ولا تدفع ليها كهربا او تجيب حد يوصلها ويعملها الاعدادات الاولية ولا هتتحمل تكلفة صيانة او تحديث للسيرفرات وده كله هيوفر عليك خاصة لو عندك أكثر من موقع ومكان لشركتك او عندك مواقع مؤقته ومش هيبقي ليه لازمه انك تشتري وتعمل بنية تحتية ليها فالكلاود في الحالة دي حل ممتاز ليك.
- الكلاود خيار مهم جدا للشركات اللي بيكون عندها ضغط وزيادة شغل موسمي يعني مواسم الاعياد او مناسبات معينة في ضغط علي الويب سايت الخاص بالشركة فبدل ما اروح اشتري اجهزة بفلوس كتير جدا عشان استخدمها وتتحمل معايا وقت الضغط في فتره معينه من السنة وباقي السنة مش هيبقي في ضغط كبير فالكلاود يحل المشكلة دي لانك تقدر تتحكم في إمكانيات السيرفر وتعملها تحديث في اي وقت وتقدر بعد ما موسم الضغط يعدي تقلل الامكانيات بتاعتها تاني .
