في حاجه اسمها NMS معناها Network management system بمعني اصح نظام سوفت وير لاداره الشبكه .
شبكه الموبايل او الشبكه اللي بتربط فروع شركات اي شبكه عباره عن مجموعه من الكبائن الكبائن دي اريكسون ، هواوي أو نوكيا أو غيرها علشان اتحكم في الكبائن دي لازم سوفت وير بستخدم السوفت وير علشان اعمل الاتي :-
Login
Configuration
Performance monitor
Reset , collect alarms
Loop , alarms troubleshooting
بمعني أصح ادخل علي الكباين واضبط الاعدادات اللي فيها واشوف اللارمات واحلها وهكذا
السوفت وير ده في Huawei إسمه U2000 وفي Ericsson إسمه SOEM
ممكن اتحكم في الكابينه وانا متوصل بيها مباشره وده بنسميه Local control
أو اتحكم فيها وانا في مكان تاني وليكن مثلاً مركز التحكم في الشركه وده بنسميه Remote control
السوفت وير ده ليه versions كل اصدار منهم بيدعم features
وطبعا ساعات في إصدار ينزل يكون فيه مشاكل والمشاكل دي بنسميها bugs وبيتم علاجها في ال version الاعلي .
مثال عملي
كان عندنا alarm إسمه high temperature بييجي علي كابينه فايبر هواوي إسمها OSN وتحديداً جاي علي كارت الكنترول وطبعاً ده الارم مهم جدا بتوع للصيانه لقوا ان الكارت درجه حرارته عاديه وشغال والمروحه شغاله وكله تمام .. طيب المشكله فين ؟ طلع أن فيه bug في السوفت وير كمان خد بالك ان لازم السوفت وير يكون مناسب لاصدار الهارد وير بتاع الكابينه
م / محمد سعيد
