مين هي مى مدحت اللي حضرت القمة الدوليه لريادة الاعمال مع باراك اوباما ومارك زوكيربرج مؤسس فيس بوك !!
بصراحه الموضوع مشرف جدا ..بنت اتخرجت من كلية الهندسه جامعه عين شمس واشتغلت فى شركه كبيره ..
حضرت اكتر من ايفينت ولقت ان فيه مشكله فى طريقة تواصل منظمين الايفينت مع الناس اللى هتحضر .. فجاتلها فكره الفكره هتحل بيها المشكله دى…
وبالفعل بدأت فى تنفيذها واستقالت من شركة Right Group اللى كانت شغاله فيها مبرمجه لانظمة CRM عشان تقدر تتفرغ لمشروعها هى وصاحبتها نهال .. وبالفعل اسسوا مع بعض Eventtus ..
الفكره عجبت الناس وفيه شركه مصريه بعد كدا جت استثمرت معاهم فى الموضوع دا .. و دلوقتى مى من ضمن نماذج رواد الاعمال الناجحه اللى بعتولها دعوه عشان تكون موجوده فى القمة الدوليه لرواد الاعمال اللى كانت فى جامعة ستانفورد
كان معاها مارك زوكربيرج .. وكمان اللى كان بيدير معاها الحوار اوباما 😂
تقرأ البوست تحس ان الموضوع بسيط .. 😀 لكنه استغرق من مى 5 سنين ..
بس على فكره …. 5 سنين مش مده كبيره عشان توصل للنجاح دا خصوصا لما تعرف ان Eventtus ليها مكتب فى دبى غير المكتبين اللى فى مصر هنا ! 😂
مبروك لمى على النجاح دا بصراحه
*اوباما سقفلها فى الاخر على تجربتها*
