متابعينا الكرام هنستعرض معاكم النهاردة قصة سقوط وإنهيار واحدة من أكبر الشركات في مجال تكنولوجيا المعلومات في العالم وتعتبر من رواد المجال ده وهي شركة ياهو الامريكية.
ياهو كانت متربعة علي عرش مجال محركات البحث وكمزود لخدمات الايميل والمحادثات وغرف الدردشة وكانت تعتبر رائدة في المجال ان لم تكن الاوحد في فترة من الفترات .
ولكن مع التطور الكبير اللي حصل في سوق تكنولوجيا المعلومات في السنين اللي فاتت ظهرت شركات جديدة إستحوذت علي السوق زي جوجل اللي رفضت ياهو إنها تشتريها سنة 1998وفيس بوك وتويتر وانستجرام وتطبيقات التراسل الفوري والمحادثات زي الواتس اب وايمو وغيرها فاختفت ياهو وخفت بريقها بعد ما كانت الاقوي والمسيطر في المجال.
فتعالوا مع بعض نسترجع قصة سقوط شركة ياهو من القمة إلي القاع
سنه 1998: ياهو رفضت تشتري جوجل بمقابل مليون دولار بس .
سنه 2002: ياهو ادركت خطاها وحاولت تشتري جوجل بمقابل 3 مليار دولار . جوجل قالت ادونا 5 مليار ياهو قالت “لا”.
سنه 2008 :مايكروسوفت عرضت تشتري ياهو مقابل 40 مليار دولار ولكن ياهو رفضت .
سنه 2016:ياهو اتباعات لشركة فيريزون مقابل 5 مليار دولار بس !!!!
يمكن ياهو معملتش حاجة غلط ولكن تطور السوق والتكنولوجيا كان اسرع منها بشكل كبير جدا ومقدرتش انها تستغل الفرص اللي جت ليها زي انها تشتري جوجل او ان مايكروسوفت تشري ياهو نفسها .
