السلام عليكم ورحمه الله بعد سلسلة التعديلات الاخيره اللي نشرتها شركه سيسكو علي شهاداتها واللي هيبدأ تطبيقها في عام 2020 هنستعرض مع حضراتكم شرح التعديلات علي واحده من اهم الشهادات في سوق أمن المعلومات وهي شهادة CCNP Secuirty
قبل ٢٣ فبراير ٢٠٢٠
=============
شهادة CCNP Security الحالية عبارة عن ٤ كورسات – عشان تحصل على شهادة CCNP Security الحالية لازم تمتحن الأربع كورسات.
كل كورس بيغطي المواضيع المذكورة جمبه
1- SENSS 300-206 ==> Routers Security, Switches Security, FW,ASAx and NAT’s Topics
2- SISAS 300-208 ==> Cisco ISE’s Topics
3- SIMOS 300-209 ==> Cisco VPN’sTopics
4- SITCS 300-210 ==> WSA, ESA, FirePOWER, CWS, FireAMP’s Topics
=============
بعد ٢٤ فبراير ٢٠٢٠
=============
شهادة CCNP Security الجديدة هتكون عبارة عن ٧ كورسات – عشان تحصل على شهادة CCNP Security الجديدة لازم تمتحن كورسين فقط من الـ ٧ كورسات ( واحد اجباري والتاني اختياري).
1- SOCR 350-701 (اجباري)
Implementing and Operating Cisco Security Core Technologies
الكورس دا “شامل” بمعني الكلمة .. هتلاقي فيه مواضيع أساسيات حماية الشبكات اللي هتشوفها فى كورس SENSS بتاعت المنهج القديم وهتلاقي فيه مواضيع الـ 802.1x اللى هتلاقيها فى كورس SISAS بتاعت المنهج القديم وهتلاقي فيه مواضيع VPN اللى هتلاقيها فى كورس SIMOS بتاعت المنهج القديم وهتلاقي كمان مواضيع الـ Contenet Security اللى هتلاقيها فى كورس SITCS بتاعت المنهج القديم .. ضيف على كل دول مواضيع خاصة بالـ Network Programmability والـ DevOps ومواضيع Cyber Ops ومواضيع Cisco Umbrella وغيرها من المواضيع الجديدة اللى سيسكو بتتكلم عنها بقالها سنين بس بشكل عشوائي .. سيسكو جمعتها كلها ف الكورس دا !
- بعد ما تخلص الكورس دا .. تقدر تختار كمان كورس من الـ ٦ الجايين
1- SNCF 300-710 (اختياري)
Securing Networks with Cisco Firepower
كورس جميل جدا ومتخصص فى منتج Firepower وعليه طلب كبير ف سوق العمل حاليا .. كل حاجة خاصة به يشمل الـ Deplyment والـ Configuration والـ Management الخاص به وكمان طريقة عمل الـ Integration بينه وبين المنتجات الأخري
2- SISE 300-715 (اختياري)
Implementing and Configuring Cisco Identity Services Engine
كورس متخصص فى Cisco ISE شامل كل مواضيعه وتطبيقاته .. دا بيقابل كورس SISAS اللى كان موجود فى المنهج القديم لكن الاختلاف فى اصدار الـ ISE هنا بقه أحدث
3- SESA 300-720 (اختياري)
Securing Email with Cisco Email Security Appliance
كورس متخصص فى Cisco ESA شامل كل مواضيعه وتطبيقاته .. دا بيقابل ربع كورس SITCS تقريبا فى المنهج القديم لكن هنا الاصدار أحدث للـ ESA
4- SWSA 300-725 (اختياري)
Securing the Web with Cisco Web Security Appliance
كورس متخصص فى Cisco WSA شامل كل مواضيعه وتطبيقاته .. دا بيقابل ربع كورس SITCS تقريبا فى المنهج القديم لكن هنا الاصدار أحدث للـ WSA
5- SVPN 300-730 (اختياري)
Implementing Secure Solutions with Virtual Private Networks
كورس متخصص فى كل مواضيع الـ VPN .. دا بيقابل كورس SIMOS ف المنهج القديم
6- SAUTO 300-735 (اختياري)
OverviewExam Topics
Automating Cisco Security Solutions كورس متخصص فى الـ Network Programmability وربطها مع أجهزة السيكيورتي عن طريق APIs جاهزة ( الكورس دا يشترط خبرة برمجية مسبقة من كورس زي DevNet عشان ترتاح فيه)
==========================================
السؤال المهم هنا:
هل تدرس الكورس الحالي للـ CCNP Security ولا تنتظر للكورس الجديد ؟
– العقل والمنطق بيقول “العب ف المضمون” بمعني ان المنهج الحالي للـ CCNP Security معروف والـ Resources بتاعته متوفره بشكل كبير وناس كتير عندها خبرة الكورس سواء Instructors أو Communities .. كمان انت لو خلصت المنهج الحالي وخلصت الـ ٤ كورسات الحاليين انت بالتبعيه هتكون حاصل على ٥ شهادات ف المنهج الجديد .. زي ما تقدر تشوف ف الـ CCNP Security Migration Tool بتاعت سيسكو اللى تلاقيها
شوف الصورة الجاية دي عشان تشوف النتيجة لو انت معاك
SENSS, SISAS, SIMOS and SITCS
==========================================
الخلاصة:
لو ناوي تحصل على CCNP Security ابدأ النهردة قبل بكره فى الاصدار الحالي وخد الشهادة حطها فى جيبك ووقت ما ينزل الكورسات المتخصصة للمنهج الجديد ابقه خدها وقت ما تحب
بقلم المهندس أحمد سلطان
