الفيس بوك قام بمنع جمله “الله اكبر لا اله الا الله” من النشر وده اثار استغراب واندهاش كتير من متسخدمي الفيس بوك
ليه الفيس بوك يحظر الجملة دي وناس كتير ابتدت تفسر الموضوع انه وراه بعد ديني
في الموضوع ده هنحاول نوضح حقيقه وراء منع الفيس من نشر جملة “الله اكبر لا اله الا الله” الموضوع بعيد عن اي توجه ديني
فيس بوك بيقوم بتطوير برمجيات وانظمة مراقبه لمكافحه البرمجيات الخبيثه والفيروسات”سبام”ومع تكرار اي جمله بصور كبيره بنفس الصيغه في وقت قليل بيتم حظرها تلقائيا لحد ما يتم مراجعتها من قبل المتخصصين وبيان ان كانت جمله عاديه او فيرس هيؤثر علي المستخدمين .
خوفا من ان ده يكون احد انواع الفيروسات اللي بيعرف باسم فيرس النشر التلقائي
ايه هو فيرس النشر التلقائي؟؟
هو فيرس بيقوم بالنشر باسمك في الصفحات او الجروبات اللي انت مشترك فيها وبيقوم بعمل كومنتات ونشر بوستات علي صفحتك الشخصية بدون علمك. زي البوست المنتشر حاليا بتاع شركة سامسونج
الموضوع كان اتكرر من فتره مع جمله :استغفر الله العظيم وتم مراجعتها ولدوقتي بتنشر عادي جدا يعني الموضوع حظر مؤقت بسبب التكرار وهيتم مراجعته من قبل ادارة فيس بوك وهيرجع بشكل طبيعي.
نتمني اننا نكون وضحنا الموضوع لكل الناس اللي الموضوع اثار شكوكها وتخوفاته
